शिवराज नगरपालिका वडा नं ४ चनईमा आज बिहान एक थान कटुवा पेस्तोल र एक थान म्यागजिनसहित प्रहरीले एक जनालाई पक्राउ गरेको छ । पक्राउ पर्नेमा स्थानीय २४ वर्षीय रिजवान मुसलमान रहेको वडा प्रहरी कार्यालय चन्द्रौटाका प्रहरी निरीक्षक महेश्वर उपाध्यायले बताउनुभयो । विशेष सुराकीका आधारमा रिजवानको घरबाट हतियार बरामद गरिएको प्रहरी निरीक्षक उपाध्यायले बताउनु भयो । पक्राउ परेका रिजुवानको घरमा खानतलासी गर्दा उनी सुत्ने कोठाको ओछ्यानको तल एक थान म्यागजिन र कटुवा पेस्तोल फेला परेको प्रहरीले जनाएको छ । पक्राउ परेका रिजवानउपर हातहतियार तथा खरखजानासम्बन्धी मुद्दा अघि बढाइने प्रहरीले जनाएको छ ।
