कपिलवस्तुमा ट्रकमा मोटरसाइकल ठोक्किँदा एक जनाको मृत्यु भएको छ । कपिलवस्तु को चन्द्रौटामा सडकमा रोकिराखेको ट्रकमा मोटरसाइकल ठोक्किँदा उक्त घटना भएको हो ।
ना ७ ख ४१२२६ नं.को ट्रकमा बिहान ३ बजे लु ४८ प ६९४८ नं.को मोटरसाइकल ठोक्किँदा २० वर्षीय सोनु थारुको मृत्यु भएको छ ।
दुर्घटनामा परी टाउकोमा गम्भीर चोट लागेका थारुलाई उपचारका लागि बहादुरगञ्ज अस्पताल कृष्णनगर लगिएकोमा उपचारका क्रममा मृत्यु भएको प्रदेश ५ ट्राफिक प्रहरी कार्यालय, बुटवलले जनाएको छ ।
प्रहरीले अनुसन्धानका लागि भन्दै ट्रक चालकलाई नियन्त्रणमा लिएको छ ।
