रुरु गाउँपालिका गुल्मीले विपन्न परिवारलाई घर छाउने टिन वितरण गरेको छ । खरको छाना विस्थापित गर्न गाउँपालिकाले टिन वितरण गरेको हो । आगलागी लगायतका जोखिम न्युनिकरणको लागि खरको छाना भएका विपन्न परिवारलाई ३ बण्डलका दरले टिन वितरण गरिएको होे । यस वर्ष २५ लाख रुपैयाको टिन, जडा न १ का २७ घर, वडा न २ का २६ घर र वडा न ४ का १९ घरलाई टिन वितरण गरिएको गाउँपालिका अध्यक्ष निलकण्ठ गौतमले बताउनु भयो । आगमी बर्ष करिव ६० लाख रुपैया बराबरको टिन वडा न २, ५ र ६ का विपन्न नागरिकलाई वितरण गर्ने योजना रहेको प्रमुख प्रशासकिय अधिकृत नेतनाथ गिरीले बताउनु भयो, पालिकाले विपत व्यावस्थापन र जोखिम न्युनिकरणको लागि पालिकामै ढुङ्गा र्ने तार जाली समेत बनाई रहेको छ । शनिवार एक समारोहका बिच वडा न ४ का १९ घर परिवारलाई ३ बण्डलका दरले टिन हस्तान्तरण गरिएको वडा अध्यक्ष फर्सुराम ज्ञवालीले बताउनु भयो ।
