छत्रकोट गाउँपालिका गुल्मीले वडा न ५ खर्ज्याङ मा बागवानी निर्माण गर्ने भएको छ । गाउँपालिकाको लगानीमा निमाण गर्न लागिएको बागवानीको पालिका अध्यक्ष मधुकृष्ण पन्थले सिलन्यास गर्नु भएको हो । १०० रोपनी जग्गामा बागवानी निर्माणको लागि गाउँपालिकाले १५ लाख रुपैया विनियोजन गरेको छ, यस बर्ष फिल्ड मिलाउने खानेपानी पोखरी र अफिस निर्माण गरिने छ । यसको विकासको लागि प्रदेश सरकार सँग १५ लाख माग गरिएको र निर्णय भैसकेको,यो बागवानी प्रदेश न ५ कै स्थानिय तहले गरेको नमुना र पहिलो काम भएको गाउँपालिका अध्यक्ष मधुकृष्ण पन्थले बताउनु भयो । सिलन्यास कार्यक्रमको अध्यक्षता बिष्णु पौडेलले गर्नु भएको थियो । कार्यक्रममा वडा न ५ का वडा अध्यक्ष कृष्ण पन्त, वडा न ३ का अध्यक्ष तेजकान्त अर्याल, वडा सचिव शेर व कुवर सल्लाहाकार गोबिन्द प्रसाद पाण्डेय, पुर्ण बहादुर बुच्चा, सरोज पाण्डेय लगायतको सहभागिता थियो ।
