शिक्षा, विज्ञान तथा प्रविधिमन्त्री गिरिराजमणि पोखरेलले निजी विद्यालय शिक्षालाई विशुद्ध सेवामूलक संस्थाको रूपमा विकास गर्ने प्रतिबद्धता व्यक्त गरेका छन्। मन्त्री पोखरेलले संवैधानिक व्यवस्था अनुसार निजी विद्यालय शिक्षालाई सरकारले गैर नाफामूलक तथा विशुद्ध सेवामूलक संस्थाको रुपमा विकास गर्ने बताएका हुन्।उनले निजी विद्यालयहरूलाई सेवामूलक संस्थाको रुपमा विकास गर्दा त्यहाँ भएको लगानीको सुरक्षा राज्य आफैले गरिदिने पनि स्पष्ट पारे। निजी तथा आवासीय विद्यालय अर्गनाइजेसन, नेपाल प्याब्सन को मंगलबार काठमाडौंमा आयोजित १४ औं राष्ट्रिय महाधिवेशनको उद्घाटन सत्रलाई सम्बोधन गर्दै मन्त्री पोखरेलले निजी विद्यालयहरूलाई विशुद्ध सेवामूलक र सार्वजनिक विद्यालयको गुणस्तरलाई सबल बनाउन सरकार लागि परेको पनि स्पष्ट पारे।
