चिदिका–रुपन्देही सम्पर्क समाज बुटवलको अध्यक्षमा इश्वरी ज्ञवाली चयन भएका छन् । समाजको पाँचौं साधारण सभा तथा तेस्रो अधिवेशनले ज्ञवालीको नेतृत्वमा नयाँ कार्यसमिति चयन गरेको हो । जसको उपाध्यक्षमा गीता ज्ञवाली, सचिवमा केशव पन्थी, सहसचिवमा लक्ष्मण अर्याल र कोषाध्यक्षमा जीवनाथ अर्याल चयन भएका छन् । त्यसैगरी सदस्यहरुमा कमल अर्याल, शारदा पन्थी, बलराम पन्थी, नजरदिन मियाँ, हेमनाथ ज्ञवाली, राम प्रसाद पन्थी, रमा ज्ञवाली र तुलसीराम खनाल रहेका छन् । अध्यक्षमा चयन भएपछि ज्ञवालीले अघिल्लो कार्यसमितिले अगाडि सारेका राम्रा कामलाई निरन्तरता दिंदै थप सामाजिक र रचनात्मक काममा समाजलाई अग्रसर बनाउने प्रतिवद्धता व्यक्त गर्नुभयो ।यसअघि अधिवेशनको उदघाटन प्रदेश नम्बर पाँचका प्रदेश सभा सदस्य चेतनारायण आचार्यले गर्नुभएको थियो ।