सरकारले २०६९ माघमा किसानहरुलाई लक्षित गरेर बाली बिमा कार्यक्रम ल्याए पनि यसबारे जानकारी नहुँदा किसानहरुले बाली बिमा गरेका छैनन्। व्यवसायिक रुपमा कृषिमा लागेका किसानहरुलाई ७५ प्रतिशत अनुदानमा बाली बिमा गर्ने सरकारको नीति भए पनि गुल्मीमा अहिलेसम्म किसानको आकर्षण बढ्न नसकेको हो। असिना, खडेरी, सुख्खा, रोगकीराको प्रकोप भएर बालीनालीमा क्षति पुगे ९० प्रतिशतसम्म क्षतिपूर्ति दिने बाली बिमा योजनामा व्यवस्था छ। तर, किसानले बाली बिमा नै नगरेकाले क्षति भए पनि क्षतिपूर्ति पाउन नसकेको गुल्मीमा कृषि बिमाको लागि तोकिएकोअजोड इन्सुरेन्स लिमिटेड गुल्मी शाखाका प्रमुख सन्तोष न्यौपानेले बताउनु भयो । बाली बिमा नगरेकै कारण किसानहरुले बर्सेनि लाखौँ रुपैयाँ क्षति ब्यहोर्दै आएका छन। बाली बिमाबारे आवश्यक जानकारी नभएकै कारण किसानहरुको यसमा चासो नबढेको हो । सरकारले विभिन्न बालीहरुमा त्यसको लागत निर्धारण गरेर ७५ प्रतिशत बिमा शुल्क आफैले तिर्ने गर्दछ। क्षतिपूर्ति पाउँदा किसानले लागतको ९० प्रतिशतसम्म पाउने गर्दछन्। तर, बाली बिमाबारे आफूहरुलाई जानकारी नभएको किसानहरु बताउ छन । पशु बिमा करिब ५० जनाले गरेका छन्। बाली बिमा एक जनाले पनि नगराएको अजोड इन्सुरेन्स लिमिटेड गुल्मी शाखाका प्रमुख सन्तोष न्यौपानेले बताउनु भयो । किसानलाई बाली बिमाबारे जानकारी नहुनु लगायत कारणले बिमा गर्ने किसानको संख्या बढ्न नसकेको हो।
