प्रश्नपत्र बाहिरिएपछि स्थगित भएको एसईई परीक्षा आजबाट सुरु भएपनि फेरि स्थगित भएको छ । आज हुने भनिएको विज्ञान विषयको प्रश्नपत्र फेरि बाहिरिएपछि ४ जनालाई निलम्बन गर्दै परिक्षा स्थगित गरिएको हो । धनुषाको बरकुर्वा परीक्षा केन्द्रबाट अनिवार्य विज्ञान विषयको प्रश्नपत्र बाहिरिएको बताइएको छ । परीक्षा सुरु भएको केही बेरमै भित्रबाट मोबाईल मार्फत प्रश्नपत्र बाहिरिएको थियो । परीक्षामा भित्र मोबाईल लैजान पूर्ण निषेध गरिएपनि प्रश्नपत्र भने मोबाईलबाटै बाहिरिएको प्रहरिले जनाएको छ । यसअघि पनि सप्तरीबाट बिज्ञान विषयको प्रश्नपत्र आउट भएपछि परीक्षा स्थगित भएको थियो । परीक्षाकेन्द्रमा मोबाइल निषेध गरिएपनि मोबाइल लिएर जाने एक जना गार्ड पक्राउ परेका छन् ।
