राधा पोख्रेल ,गुल्मी
प्रदेश नं ५ का सामाजीक बिकास मन्त्री सुदर्शन बरालको स्वागत तथा परिचयात्मक कार्यक्रम छत्रकोट २ भेडुवा गुल्मीमा सम्पन्न भएको छ ।
गाउपालीका अध्यक्ष मधुकृष्ण पन्तको अध्यक्षतामा सम्पन्न कार्यक्रममा सामाजिक बिकास मन्त्री बराल, गाउपालीका उपाध्यक्ष नर्मदा भण्डारी,शिक्षा शाखा प्रमुख बिश्नुप्रसाद ज्ञवाली,मन्त्रि बरालका स्वकिय सचिव यदु ज्ञवाली,वडा नं ३ का वडाध्यक्ष तेजकान्त अर्याल को प्रमुख आथित्यता रहेको थियो ।
कार्यक्रममा बोल्दै प्रमुख अतिथि मन्त्री बरालले स्थानीय सरकार र प्रदेश सरकारको योजनालाई एकैठाउबाट लैजान सरकारले योजना बनाएको बताउनुभयो ।
उहाले स्थानिय सरकारको बजेट नपुग्ने स्थानमा प्रदेश सरकारले सहयोग गर्ने बताउनुभयो । मन्त्री बरालले छत्रकोट गाउपालीका को शिक्षा,स्वास्थ्य तथा खेलकुद क्षेत्रमा प्रदेश सरकारले सक्दो सहयोग गर्ने बताउनुभयो ।
कार्यक्रममा बोल्दै पालिका अध्यक्ष पन्तले छत्रकोट गाउपालिका बिकासको लागि प्रदेश सरकारले सहयोग गर्नेछ भन्ने अपेक्षा गरिएको पनि बताउनुभयो ।
उहाले गाउपालिकाले व्यबसायिक शिक्षा अगाडि बढाउन खोजेको भन्दै आत्मबोध माध्यमिक बिद्यालयलाई स्विकृति दिएको जानकारी गराउनुभएको थियो ।
यस्तै कार्यक्रममा बोल्दै पालिका उपाध्यक्ष नर्मदा भण्डारीले बिकास निर्माणको कामको लागि सबैले योजनाबद्ध भएर पालीकामा पेश गर्न आग्रह गर्नुभएको छ ।
कार्यक्रमको सन्चालन स्वास्थ्य अधिकृत श्यामसुन्दर पोख्रेलले गर्नुभएको थियो ।
यस्तै नेपाल कम्युनिष्ट पार्टी नेकपा छत्रकोट गाउपालीका कमिटिद्धारा प्रकाशित क्यालेन्डर बिमोचन तथा प्रशिक्षण कार्यक्रम सम्पन्न भएको छ ।
गाउपालीका कमिटि अध्यक्ष रामप्रसाद पाण्डेको अध्यक्षतामा सम्पन्न कार्यक्रममा प्रदेश नं ५ का सामाजीक बिकास मन्त्री सुदर्शन बरालको प्रमुख आथित्यता रहेको थियो ।
कार्यक्रममा बोल्दै प्रमुख अतिथि मन्त्रि बरालले साना तथा रचनात्मक कामहरु गरि अगाडि बढ्न निर्देशन दिनुभएको छ । उहाले पार्टि बिच आरोप प्रत्यारोप गर्नुभन्दा सबै मिलेर अगाडि बढ्न सुझाव दिनुभएको छ ।
गाउपालीका अध्यक्ष मधुकृष्ण पन्थको बिशिष्ट आथित्यता,उपाध्यक्ष नर्मदा भण्डारी,कम्युनिष्ट आन्दोलनका जिल्ला नेता बालसिंह काउछा,बिश्नुप्रसाद पौडेल,लोकनाथ पाण्डे, रामचन्द्र कडेल ,मन्त्रीको स्वकिय सचिव यदु ज्ञवाली लगायतको आथित्यता रहेको थियो । हुमनाथ कडेंलको स्वागत मन्तब्यबाट सुरु भएको कार्यक्रममा मन्त्रि बरालले क्यालेन्डर बिमोचन तथा सहभागिहरुलाई प्रशिक्षण दिनुभएको थियो ।
