अनिल खत्री
१५ बैशाख, गुल्मी गुल्मीमा जिल्ला ट्राफिक प्रहरी कार्यालय गुल्मीले दुर्घटना न्यूनिकरणको लागि एक हप्ते कार्यक्रम शुरु गरेको छ । दुर्घटना न्युनिकरण सम्बन्धमा ठाँऊको ठाँऊ सुधार भन्ने अभियानका साथ जिल्ला ट्राफिक प्रहरी कार्यालयले गुल्मीले दुर्घटना न्यूनिकरणको लागि एक हप्ते जनचेतनामूलक कार्यक्रम शुरु गरेको हो ।
७ दिने कार्यक्रम अन्तरर्गत पहिलो दिनको जिल्लाको रेसुङ्गानगरपालिका तम्घास स्थित प्लेकार्ड र व्यानर सहित र्याली निकाली नगर परिक्रमा गरेका थिए ।
नगर परिक्रमा पछि ट्राफिक चोकमा उद्घाटन कार्यक्रममा गुल्मीका प्रमुख जिल्ला अधाकारी यदुनाथ पौडेल जिल्ला प्रहरी कार्यालयका कार्यालय गुल्मीका प्रमुख प्र.उ.दिपक कुमार बस्नेतको अध्यक्षतामा यातायात व्यवसायी, बिभिन्न राजनितिक दलका प्रतिनिधी,पत्रकार, बिद्यार्थी,चालक,परिचालकहरु सहभागिता रहेको थियो ।
बढ्दै गरेको सवारी दुर्घटनालाई न्यूनिकरणका लागि ट्राफिक प्रहरीले एकहप्ते जनचेतनामूलक अभियान शुरु गरेको हो । ट्राफिक नियम जानकारी नहँुदा दुर्घटना बढ्दै गएको भन्दै प्रहरीले अभियान सञ्चालन गरेको जिल्ला ट्राफिक कार्यालय गुल्मीका प्रहरी सहायक निरिक्षक नारायण खनालले बताए ।
साताव्यापी कार्यक्रममा चालक सहचालक तथा सवारी धनीहरु,यात्रुहरु र स्थानियहरुलाई समेत राखेर ट्राफिक नियम, यात्रा गर्दा अपनाउनु पर्ने सावधानी जस्ता बिषयहरुमा पूर्ण रुपमा ट्राफिक नियमको परिपालना गराउने खनालले बताए । दुर्घटना न्यूनिकरण गर्न चालक देखि यात्रुहरु पनि जिम्मेवार बने दुर्घटना रोक्नको निम्ति मद्दत पुग्ने गुल्मीका प्रमुख जिल्ला अधिकारी पौडेलले बताए ।
साताव्यापी कार्यक्रममा चालक सहचालक तथा सवारी धनीहरु,यात्रुहरु र स्थानियहरुलाई समेत राखेर ट्राफिक नियम, यात्रा गर्दा अपनाउनु पर्ने सावधानी जस्ता बिषयहरुमा पूर्ण रुपमा ट्राफिक नियमको परिपालना गराउने गुल्मीका प्रहरी सहायक निरिक्षक नारायण खनालले बताए ।
यस बाहेक जिल्ला ट्राफिक कार्यालय गुल्मीले दुर्घटना न्यूनिकरण गर्न भन्दै फरक फरक तरिकाबाट सचेतना कार्यक्रमहरु सञ्चालन गर्दै आएको छ । ट्राफिक प्रहरी कार्यालय गुल्मीले सडकमै चालक,सहचालक, यात्रुहरु र स्थानियलाई समेत राखेर दुर्घटना न्यूनिकरण सम्बन्धी प्रशिक्षण दिँदै आएको छ ।
दुर्घटना न्यूनिकरण गर्नको लागि सवारी धनि व्यवसायीक चालक तथा सहचालकलाई कक्षा, सर्बसाधरणलाई पर्चा पम पिलेट स्थानिय सञ्चार माध्यमबाट समेत सचेतना कार्यक्रहरु सञ्चालन गर्दै आएको छ ।
