नेपाल शिक्षक सघं छत्रकोट गाउपालीका गुल्मीले आज एक समारोहका बिच क्यालेण्डर बिमोचन तथा स्थाइ शिक्षकलाई बधाइ कार्यक्रम सम्पन्न गरेको छ ।कार्यक्रमको अध्यक्षता नेपाल शिक्षक सघं छत्रकोट गाउपालीका अध्यक्ष कृष्ण प्रसाद भुषालले गर्नुभएको थियो ।
कार्यक्रमका प्रमुख अतिथि नेपाली काङग्रेश गुल्मीका सभापति भुवन प्रसाद श्रेष्ठले सघंले गुल्मीमै उदाहरणिय काम गरेको भन्दै प्रशंसा गर्नुभएको छ । उहाले शिक्षक तथा शिक्षक सघंले नेपाली काङग्रेशका प्रत्येक काममा सहयोग गरेकोमा धन्यावाद ज्ञापन गर्नुभएको थियो । देशमा नेकपाको दुइ तिहाइको सरकारले जनभावना अनुसार काम गर्न नसकेको र स्थानिय तहमा पनि जनाधार गुमाउदै गएकाले यस समयमा काङग्रेशले सगंठन बिस्तार गर्दै जनमत जित्नुपर्ने बताउनुभयो ।
नेपाली काग्रेशका जिल्ला सदस्य तथा छत्रकोट गाउपालीका छाया सरकारका प्रमुख अनन्त पौडेलले नेपाल शिक्षक सघंले गरेको कामको प्रसंशा गर्दै गाउपालीका जन उत्तरदायी नभएको आरोप लगाउनुभयो । बिकास निर्माणका काममा नेकपाकै जिम्मेवार पदका व्यक्ति , उपभाक्ता समितिका अध्यक्ष,सचिव बनेर आफैले निमार्ण कार्य गरेकोमा पार्टीको ध्यानाकर्षण भएको बताउदै पारदर्शिता र लोकतन्त्रको उपहास भएको बताउनुभयो ।
जिल्ला सचिव बिष्णु बलालले स्थानिय तह र संघीय सरकारमा नेकपाले कानुनको अवहेलना गर्ने काम गरेको बताउनुभयो ।
कार्यक्रममा प्रदेश नम्बर ५ का नेपाली काग्रेश टे्रड युनियनका उपाध्यक्ष शंकर प्रसाद पन्थले मजदुर दिवसको शुभकामना दिदै शिक्षकहरु बौद्धिक मजदुर भएकाले शिक्षकको काम कर्तव्य अधिकारलाई पहिलो प्राथमिकतामा राख्नुपर्ने बताउनुभयो । उहाले पार्टिको बिकासको लागि शिक्षकको भुमिका महत्वपुर्ण हुने बताउनुभयो ।
शिक्षक सघं जील्ला कार्य समितिका सचिव खिम बहादुर थापाले शैक्षिक उपलब्धि बिकासको लागी शिक्षकले आफ्नो कर्तव्य इमान्दारिताका साथ पालना गर्दै अगाडी बढ्नुपर्ने बताउनुभयो ।
कार्यक्रममा नेपाल बिद्यार्थी सघंका सभापती सागर पन्थ, शिक्षक पदमपाणी न्याउपाने ,महासमिति सदस्य धना भण्डारी, हँगाका सभापति महेश्वर भण्डारी, सहसचिब कमला भण्डारी, क्षेत्र नम्बर २ का सचिव धातानन्द भण्डारी लगायतले शुभकामना मन्तव्य राख्नुभएको थियो ।
सोहि समारोहमा छत्रकोट गाउपालीका बाट शिक्षक सेवाबाट स्थाइ हुनुभएका २२ जना शिक्षकलाई सम्मान गरिएको थियो । खगेश्वर ज्ञवालीकोे स्वागत मन्तव्यबाट सुरु भएको कार्यक्रम कुल प्रसाद भण्डारीको सन्चालनमा सम्पन्न भएको छ ।
