विक्रम पाण्डे समान्ता
बैशाख १८ , अर्घाखाँची
पूर्व उपप्रधानमन्त्री तथा प्रतिनिधि सभा सदस्य टोपबहादुर रायमाझीले अबको पत्रकारीता राष्ट्रिय एजेण्डामा आधारीत हुनु पर्ने बताउनुभएको छ । उहाले पत्रकारीता ब्यक्तीबादी नभएर समाज र राष्ट्रलाई सकारात्मक बाटो तर्फ उन्मुख गराउने खालको हुनु पर्ने बताुभएको छ ।
नेपाल पत्रकार महासंघ अर्घाखाँचीले विश्व प्रेश स्वतन्त्रता दिवशको पूर्वसन्ध्यामा बुधबार आयोजना गरेको नयाँ वर्ष विशेष शुभकामना आदान प्रदान तथा महासंघको क्यालेण्डर बिमोचन कार्यक्रमलाई संबोधन गर्दै उहाले यस्तो बताउनुभएको हो ।
अहिले पत्रकारहरुमा सत्य र तथ्य भन्दा पनि ब्यक्तिबादी सोँच हावी भएको छ भन्दै उहाले नेपाली पत्रकारले लोकतन्त्र स्थापनाको खातिर खेलेको भुमिका कसैले पनि विर्सन नहुने बताउनुभयो ।
उहाँले अर्को फरक प्रसङगमा नेपाली जनतालाई अधिकार तथा स्वतन्त्र गराउने पक्षमा सरकार सधै प्रतिबद्ध रहेको बताउनुभयो ।
सरकारको लक्ष्य अहिले गरीवी हटाउने रहेको कुरालाई इङगीत गर्दै रायामाझीले पत्रकारले गरीवी र बेरोजगारको विरुद्धको पक्षमा आप्ःनो कमल उठाउनु पर्ने आबश्यकता रहेको बताउनुभयो ।
प्रदेस सभा सदस्य रामजी प्रसाद घिमिरेले पत्रकारले सधै नकारात्मक पक्षलाई मात्र नभएर सकारात्म पक्षलाई पनि जनता माझ पुराउनु पर्ने बताउनुभएको छ । उहाले सकारात्मक सोँचले समाज र राष्ट्रको विकास र समृद्धिमा सहयोग पुग्ने बताउनुभयो ।
सन्धिखर्क नगरपालीकाका प्रमुख कमल प्रसाद भुसालले सन्धिखर्क नगरपालीका समृद्ध नगर निर्माणमा लागी परेको बताउनुभयो । नगरमा अहिले थुप्रै योजनाहरु सम्पन्न भएको र केही योजनाहरु सम्पन्न हुने क्रममा रहेको हुनाले नगरपालीका विकासको बाटोमा हिँडेको उहाको भनाई छ ।
कार्यक्रममा सन्धिखर्क नगर उप प्रमुख ठाकुर कुमार विक , प्रमुख जिल्ला अधिकारी पे्रमलाल लामिछाने , नेकपा ५ नं सदस्य छमकुमारी खनाल , नेपाली काङग्रेस जिल्ला सदस्य कृष्ण खनाल , राजमोका गोविन्द विसी , नयाँ शक्ति पार्टीका संयोजक गोकर्ण थापा , परीवार दलका डिल्लीराज भुसाल , विबेकशील साझाका हरी प्रसाद भुसाल , नोपाल पत्रकार महासंघका ५ नं. प्रदेश सदस्य शोभाखर पन्थी लगायतले मन्तब्य राख्नुभएको थियो ।
कार्यक्रम नेपाल पत्रकार महासंघ अर्घाखाँचीका अध्यक्ष हिम जिसी लेकालीको अध्यक्षता , उपाध्यक्ष गणेश खनालको स्वागत मन्तब्य तथा सचिव सुर्य प्रसाद भुसालको संचालनमा सम्पन्न भएको थियो ।
