छत्रकोट गाउँपालिका गुल्मीले गाउँपालिका भित्रका सम्पुर्ण बिद्यालयलाई बैशाख मसान्त भित्र बिद्यालय व्यवस्थापन समिती पुनर गठनको लागि निर्देशन दिएको छ ।
नियमानुसार बिद्यालय व्यवस्थापन समिती पुनर गठन नभएकोले बिद्यालयहरुमा हुने बिभिन्न निकासा,बिकास निर्माण,शिक्षक नियुक्ति लगायतका अन्य कार्यमा बाधा पुग्ने भएकोले बैशाख मसान्त भित्र बिद्यालय व्यवस्थापन समिती पुनर गठनको लागि निर्देशन दिएको हो ।
छत्रकोट गाउँपालिका गुल्मीले,स्थानिय शिक्षा ऐन गाउँ सभा बाट पारित गरि २०७५ असौज १ गते बाट लागू गरेको थियो । उक्त शिक्षा एैनको दफा १९ मा भएको प्राबधान अनुसार शिक्षा एैन लागू भएको छ महिना भित्र नियमानुसार बिद्यालय व्यवस्थापन समिती पुनर गठन गरि सकेको हुनु पर्छ । अहिले एैनमा भएको समय सिमा समाप्त भैसकेको छ । नयाँ शैक्षिक सत्र सुरु भई भर्ना अभियान सकिदा समेत अधिकांस बिद्यालयले नियमानुसार बिद्यालय व्यवस्थापन समिती पुनर गठन गरेका छैनन् ।
प्रधानाध्यापकहरु सँग भएको पछिल्लो सहमति अनुसार, नयाँ शैक्षिक सत्रमा नयाँ अभिभावक थपिने भएकोले व्यवहारिकताका आधारमा नयाँ शैक्षिक सत्रको अरम्भमा समिती पुनर गठन गर्ने भनिएता पनि, भर्ना अभियान सकिएर पठन पाठन सुरु भैसक्दा समेत समिती पुनर गठनको प्रक्रिया समेत अगाडी बढाएका छैनन् ।
नियमानुसार बिद्यालय व्यवस्थापन समिती पुनर गठन गर्दा केहि दिन बिध्यार्थिको पठन पाठनमा समेत असर पर्छ । छत्रकोट गाउँपालिकाको गाउँ शिक्षा समितिले यस बिषयमा शिक्षा युवा तथा खेलकुद शाखाको ध्यानाकर्षण गराएको छ ।
