छत्रकोट, गुल्मी ।
छत्रकोट गाउपालिका गुल्मीमा निर्माणाधिन छत्रकोट खेल मैदानको हाल सम्मको खर्च विवरण सार्वजानिक गरिएको छ । प्रदेश सरकारको एक गाउपालिका एक खेल मैदान कार्यक्रम अन्र्तगत ३६ लाख रुपैया विनियोजन भएकोमा हाल सम्म ४४ लाख ४६ हजार ५ सय ८८ रुपैंयाको खर्च विवरण प्रस्तुत गरिएको थियो । विनियोजन गरिएको बजेट भन्दा ९ लाख ९० हजार ५ सय ८८ रुपैया बढी खर्च भएको उपभोक्ता समितिका अध्यक्ष सरोज पाण्डेले खर्च बिवरण प्रस्तुत गर्ने क्रममा बताउनु भयो ।
खर्च बिवरण प्रस्तुत गर्दै अध्यक्ष पाण्डेले नपुग रकम प्रदेश सरकारका सामाजिक विकास मन्त्री सुर्दशन बरालले थप व्यवस्था गर्ने प्रतिवद्धता गर्नुभएको बताउनु भयो । खेल मैदान निर्माणको क्रममा ७९ थान जालीमा ढुङ्गा भरी मैदानलाई प्रारम्भीक चरणमा सम्याउने काम भएको छ । समारोहका प्रमुख अतिथी वडा नम्बर ५ का वडा अध्यक्ष कृष्ण प्रसाद पन्थले खेल मैदान संपन गर्न थप बजेट आवश्यक पर्ने भएकाले सवै तह र तप्काबाट पुर्णताको लागी अगाडी बढ्नु पर्ने बताउनु भयो ।
कार्यक्रममा सल्लाहाकार समितिका संयोजक तुल्सीराम पन्थले मैदान निर्माणको लागी जग्गा उपलब्ध गराउने आत्मबोध माध्यमिक विद्यालय र माधव ज्ञवालीलाई धन्यवाद ज्ञापन गर्नु भयो ।
यस्तै संयोजक पन्थले खेल मैदान निर्माणको लागी पुर्व सभासद चन्द्र प्रसाद भण्डारीले ४ लाख र तत्कालिन गाविसले १ लाख ५० हजार लगानी गरिसकेको अवस्थामा अव यसलाई पुर्णतादिन सवै अगाडी बढ्नु पर्ने बताउनु भयो । कार्यक्रममा विशिष्ट अतिथी वडा नम्बर २ का वा अध्यक्ष रुक बहादुर राकसकोटीले पारदर्शिताको लागी उपभोक्ता समितिले हिसावलाई होडिङ्ग बोर्ड बाट सार्वजानकि गर्दा राम्रो हुने सुझाव दिनु भएको थियो ।
कार्यक्रम उपाध्यक्ष नारायण प्रसाद अर्यालले स्वागत गर्दै समयमा बजेटको काम भएकोमा खुसी व्यक्त गर्नु भएको थियो । कार्यक्रम सचिव यज्ञ बहादुर पाण्डेको संचालनमा संपन भएको हो ।
