गुल्मी किसानहरुको लागी २०६९ सालको माघ महिनाबाट सरकारले बाली बिमा कार्यक्रम ल्याए पनि जानकारी नहुदा अहिले सम्म किसानले बाली विमा गराएका छैनन। व्वसाहिक रुपमा कृषि गर्ने कृषकहरुको लागी भन्दै सरकारले ७५ प्रतिशत अनुदानमा बाली बिमा गर्ने निति ल्याएपनि गुल्मीमा यसको प्रभावकारिता शुन्य रहेको छ।
कृषकले लगाएको बालिमा असिना, खडेरी, सुख्खा, रोगकीराको प्रकोप भएर बालीनालीमा क्षति पुगे ९० प्रतिशतसम्म क्षतिपूर्ति दिने बाली बिमा योजनामा व्यवस्था रहेको छ तर किसानहरुले बाली बिमा नै नगरेकाले क्षति भए पनि क्षतिपूर्ति पाउन नसकेको गुल्मीमा कृषि बिमाको लागि तोकिएको अजोड इन्सुरेन्स लिमिटेड गुल्मी शाखाका प्रमुख सन्तोष न्यौपानेले बताउनु भयो ।
बाली बिमा नगरेकै कारण किसानहरुले बर्षेनी लाखौँ रुपैयाँको क्षति ब्यहोर्दै आएका छन । बाली बिमाबारे आवश्यक जानकारी नभएकै कारण किसानहरुको यसमा चासो नदेखिएको हो । सरकारले विभिन्न बालीहरुमा त्यसको लागत निर्धारण गरेर ७५ प्रतिशत बिमा शुल्क आफैले तिरिदिने निति नियम बनाएको छ ।
लागतको ९० प्रतिशतसम्म किसानले क्षतिपूर्ति पाउने गर्दछन् । तर, बाली बिमाबारे आफूहरुलाई जानकारी नभएको किसानहरुले बताएका छन् ।केहि पशुपालक कृषकहरुले पशुबिमा गराएपनि कृषीबाली बिमा भने एक जनाले पनि नगराएको अजोड इन्सुरेन्स लिमिटेड गुल्मी शाखाका प्रमुख सन्तोष न्यौपानेले बताउनु भयो ।
किसानलाई बाली बिमाबारे जानकारी नहुदा कृषकहरुले बाली विमा नगरेका हुन । बालि विमा सम्बन्धी सम्बन्धित पक्षले कृषकहरुलाई समयमै जानकारी गराएमा व्यवसायिक कृषि गर्दै आएका कृषकहरुलाई समय समयमा हुने विभिन्न प्राकृतिक प्रकोप तथा रोगहरुबाट हुने नोक्सानीको केहि रकम भएपनि पाउन सके निरुउत्साहीत हुनुपर्ने थिएन की ? त्यसैले सम्बन्धीत निकायले यस विषयमा किसानहरुलाई बेलैमा जानकारी गराउने पहल गरोस् ।
