अर्घाखाँचीमा धार्मिक महोत्सव सुरू भएको छ । अर्घाखाँचीको पाणिनि गाउँपालिका पणेनाको पाणिनि तपोभुमि दहमा धार्मिक महोत्सव सुरू भएको हो ।
श्री ब्रह्म वैवर्त पुराण अनुष्ठान ज्ञान महायज्ञको पुर्व उपप्रधानमन्त्री टोपबहादुर रायमाझीले उद्घाटन गर्नुभएको छ ।
उद्घाटन गर्दै मन्त्री रायमाझीले धार्मिक महायज्ञ सञ्चालनले पर्यटक भित्र्याउनमा टेवा पुग्ने बताउनुभयो । उहाले जिल्लाको एेतिहासिक पाणिनि तपोभुमिको विकास गरि पर्यटन प्रबर्द्धनमा वृद्धि हुने बताउनुभयो ।
कार्यक्रममा प्रदेश सभा सदस्यहरू रामजि घिमिरे, निर्मला क्षेत्री, जाल्पा भुसालले तपोभुमिको विकासका लागि प्रदेश सरकारबाट सक्दो पहल गर्ने बताउनुभयो । पाणिनि गाउँपालिका अच्युत गौतम धर्मिक महायज्ञले समग्र गाउँपालिकाको विकासका लागि टेवा पुग्ने बताउनुभयो ।
कार्यक्रममा गाउँपालिका उपाध्यक्ष लक्ष्मी गौतम, निमित्त प्रमुख जिल्ला अधिकारी विष्णु बेल्बासे, प्रहरी नायव उपरीक्षक नवराज मल्ल , नेपाली काँग्रेसका नेता विष्णु पोख्रेल, नेकपाका नेता जिवनारायण कोईराला, वडा अध्यक्ष शालिकराम भट्टराई, तपोभुमि निर्माण समितिका अध्यक्ष चन्द्रकान्त पौडेल, पत्रकार घनश्याम पौडेल लगाएतले शुभकामना मन्तव्य राख्दै धार्मिक महोत्सव सञ्चालनमा आ आफ्नो क्षेत्रबाट सहयोग गर्ने बताउनुभएको थियो ।
उद्घाटन समारोह युवराज ज्ञवालीको अध्यक्षता, धातान्नद पोख्रेलको स्वागत र विष्णुभक्त पोख्रेलको सञ्चालनमा सम्पन्न भएको छ ।
आजबाट सुरू भएको धार्मिक महायज्ञमा व्यासाचार्य भुवन गुरूको मुखार बिन्दुबाट कथा बाचन हुनेछ । महायज्ञ जेठको ६ गतेसम्म सञ्चालन हुने आयोजकले जानकारी दिएको छ ।
