तिलोत्तमा ।
आगामी आर्थिक बर्ष २०७६।७७ का लागि प्राप्त वडास्तरीय बजेट सिलिङ उपर हिजाे तिलोत्तमा न. पा. ९ को वडा कार्यालयमा छलफल कार्यक्रम सम्पन्न भएको छ।
वडाका ८ टोल बिकास संस्थाका अध्यक्ष एबम वडाबासीहरुको माग सम्बोधन गर्दै ति न पा ९ का वडाध्यक्ष नारायण न्यौपानेले कृषि, खानेपानी, सिचाई, स्वास्थ्य, शिक्षा, बाटो, बिजुली लगायतका क्षेत्रमा प्रभावकारी ढंगले बजेट छुट्टाउने जानकारी दिनुभयो । साथै तिलोत्तमा नगरपालिकाबाट आर्थिक बर्ष २०७६।७७ का लागि बिनियोजित ६८ लाख रुपैयाले नपुग्ने जनगुनासो आएपछी नगर, प्रदेश तथा केन्द्रमा पनि थप बजेटका लागि पहल गर्ने बताउनुभयो।
कार्यक्रममा नेपाली काङ्ग्रेसका रुपन्देही जिल्ला सदस्य गणेश शर्मा, इन्भारमेन्ट बोर्डिङ स्कुलका अध्यक्ष नेत्रलाल बन, ने क पा वडा इन्चार्ज हरि प्रसाद पान्डेय, ३६ मौजा कुलापानी समितिका बरिस्ठ उपाध्यक्ष बिष्णु भट्टराई लगायतले बजेट सिलिङको छलफलमा विभिन्न सुझावहरु दिनुभएको थियो।
वडाका जनप्रतिनिधिहरु, टोल बिकास संस्थाका अध्यक्षहरु, वडाबासीहरुको उपस्थित रहेको उक्त कार्यक्रमको सन्चालन ति। न पा ९ का वडासचिब कृष्ण भट्टराईले गर्नुभएको थियो।
