काठमाडौं
कञ्चनजङ्घा हिमाल आरोहण गर्न गएका दुई भारतीय पर्वतारोहीको मृत्यु भएको छ।
आरोहण गर्न गएका दुई पर्वतारोहीको मृत्यु भएको र एकजना सम्पर्कविहीन भएको बताईएको छ। आधिकारिक पुष्टिसहितको पत्र भने कम्पनीले नदिएको अधिकारिहरुले बताएका छन । उनीहरू पिक प्रमोसनबाट हिमाल आरोहणमा गएका थिए।
ताप्लेजुङ जिल्लाको नेपाल र भारतको सीमामा अवस्थित ८ हजार ५ सय ८६ मिटर अग्लो कञ्चनजङ्घाको शिखरमा, बुधबार १० नेपालीसमेत ३६ जनाले सफल आरोहण गरेको पर्यटन विभागले जनाएको छ। पर्यटन विभागका प्रवक्ता सुरेन्द्र थापाका अनुसार सम्पर्कविहीन पर्वतारोहीको खोजी तथा मृतकहरूको शव ल्याउने प्रयास भइरहेको छ। दुवै शव दोस्रो शिविरमा ल्याएर त्यहाँबाट भोलिसम्म काठमाडौं ल्याइने थापाले जानकारी दिए।
