अनिल खत्री
८ जेठ, गुल्मी – जिल्ला प्रशासन कार्यालय गुल्मीमा स्थापना गरिएको नागरिक सहायता कक्षमा सेवाग्रहीको ५ हजार ३ सय निबेदन लेखिएको छ । बिचौलिहाको अत्य गर्न, नागरिक मैत्री सेवा र सेवाग्रहीको सहजताको लागि जिल्ला प्रशासन कार्यालय गुल्मीमा नागरिक सहयता कक्ष स्थापना गरिएको हो ।
जिल्ला प्रशासन कार्यालय गुल्मीबाट हुने प्रशासनिक काममा सेवाग्रहीको सहजताको लागि स्थापना गरिएको नागरिक सहायता कक्षमा पछिल्लो दश महिनामा बैशाख मसान्त ५ हजार ३ सय निबेदनहरु देखिएको गुल्मीका प्रमुख जिल्ला अधिकारी यदुनाथ पौडेलले बताए । प्रशासनको कामकोलागि सेवाग्रहीबाट बाहिर निबेदन लेख्दने बिचौलीहाले चर्को मुल्य लिएर ठग्ने काम भएपछि त्यसको अत्य गर्न प्रशासन कार्यालयमै सहायता कक्ष स्थापन गरिएको प्रमुख जिल्ला अधिकारी पौडेलले जानकारी दिए ।
प्रशासनको काममा सेवाग्राहीलाई कुनै पनि निवदेन लेख्न पैसा खर्च गर्न नपर्ने गरि प्रशासनकै खर्चमा छपाई भएका २२ प्रकारका निवेदन र अन्य फारम निःशुल्क उपलब्ध गराइएको छ । सहायता कक्षबाट हाल दैनिक सरदरमा ५० देखि १ सय जनासम्मको निबेदन लेखिदै आएको छ ।
प्रशासन कार्यालयले स्थापना गरेको नागरिक सहायता कक्षा लेखिएका निबेदनको सरदर मुल्य ५ सयले हिसाव गर्दा २७ लाख वढि सेवाग्रहीको आर्थिक रकम बचत भएको प्रमुख जिल्ला अधिकारी पौडेलले भनाई छ । बिचौलिहाले सामान्य निबेदन लेख्दा बिचौलिहाले ५ सय देखि १५ सयसम्म लिने गरेको पाइएको थियो ।
प्रशासनको प्रवेशद्वारमै नागरिक सहायता कक्ष राखेर खटिएका कर्मचारीले के काम लिन आएको हो ? सोधपुछ गरि सम्वन्धित कोठामै पुराएर सेवा प्रवाहमा सहज बनाइएको छ । सहायता कक्षले काम बिशेषले गुल्मी प्रशासनमा पुग्ने जो कोहि अलमलिनु पर्ने बाध्यत हटेको छ ।
प्रशासन कार्यालयमा राहदानीको राजश्वमा लाग्ने दस्तुर बाहेक एक पैसा पनि खर्च नगरि सेवाग्राहीले सेवा लिने बतावारण तय गरिएको छ । जिल्ला प्रशासन कार्यालयमा डिजिटल वडापत्र,सिसी क्यामरा, निशुल्क इन्टर नेट पनि राख्ने काम पनि भएको छ ।
जिल्ला प्रशासन कार्यालयले अन्य जिल्लाबाट अभिलेख पठाउन र पाउने पनि व्यवस्था मिलाएको छ । यसले सेवाग्रही बाहिर धेरै रकम खचिर्नु पर्ने बाध्यता अत्य गरिएको प्रमुख जिल्ला अधिकारी पौडेलले बताए ।
