भैरहवा ।
सिद्धार्थनगर सिटी हस्पिटलले उपचारका क्रममा हिजो साझ एक जना बिरामीको मृत्यु भएपछी अस्पतालले मृत बिरामीको सबै उपचार खर्च व्यहोर्ने भएको छ ।
मृगौलाका बिरामी सियारी गाउँपालिका वडा नं ३, का २६ बर्षिय विरेन्द्र अग्रहरीकाे हिजाे साझ ७ बजेतिर मृत्यु भएको थियो ।
२८ गतेदेखि अस्पतालमा भर्ना भई उपचार भईरहेकोमा हिजो मृगौलाको मृगौला डाईलासिस गर्ने क्रममा अग्रहरीको मृत्यु भएको अस्पतालले जनाएको छ ।
अस्पतालको लापरवाहीका कारणले अग्रहरीको मृत्यु भएको भन्दै मृतकका अफन्तले अस्पतलमा बिरोध गरेपछी प्रहरी प्रशासनको रोहवरमा वार्ता भएकाे थियाे ।
वार्ता पछि अस्पतालले उपचार खर्च सबै व्यहोर्ने गरी सहमति भएको जिल्ला प्रहरी कार्यालय रुपन्देहीले जनाएको छ ।
जेठ २८ गते अस्पतालमा भर्ना भएका अग्रहरीलाई अस्पतालका मृगौला रोग विशेषज्ञ डा. सुबोध कुमार पाण्डेले सोही दिन पहिलो पटक डाईलासिस गर्नु भएको थियाे ।
हिजो डा. पाण्डेको अनुपस्थितिमा अन्य स्वास्थ्यकर्मीले डाईलासिस गर्ने क्रममा अग्रहरीको मृत्यु भएको परिवारको दावि थियाे ।
