बुटवल
लैगिंक तथा यौनिक अल्पसंख्यकहरुलाई समाजले स्विकार गर्न नसक्दा भेदभाव भोग्नुपरेको गुनासो गरेका छन ।
सवैधानिक रुपमा लैंगिक तथा यौनिक अल्पसंख्यकहरुको पहिचानलाई ग्यारेन्टी गरिएपनि त्यसको कार्यान्वयनमा भने जटिलता देखिएको छ ।
समाजमा आत्मसम्मानका साथ बाँच्न नपाएको, सरकारी तथा निजि क्षेत्रमा तेस्रो वा समलिंगिको पहिचान सहित रोजगारी नपाउने जस्ता भेदभावमा परेको यौनिक अल्पसंख्यकहरुले बताए ।
सामाजिक विकास मन्त्रालय प्रदेश ५ ले आजबुटवलमा आयोजना गरेको पदेशस्तरीय सचेतनामूलूक अन्तरक्रियामा सहभागी सरकारका मन्त्री, सरोकारवालाहरुले यस्तो बताएका हुन ।
कार्यक्रममा तेस्रो लिंगिहरुले समाजमा खुलेर बाँच्न पाउनुपर्ने माग गरिएको थियो ।
कार्यक्रममा सामाजिक विकास मन्त्री सुदर्शन बरालले लैंगिक तथा यौनिक खल्पसंख्यकहरुको मुद्धा नयाँ भएकाले बुझाईमा केहि समस्या देखा परेको बताउनुभयो ।
उहाले मुद्धाको हिसाबले लैगिक अल्पसंख्यकहरुको मुद्धा नयाँ भएकाले यसलाई सरकारले सम्बोधन गर्ने चरणमा रहेको बताउनुभयो ।
उहाले मूलधारको राजनितिक नेतृत्व र सञ्चारमाध्यमले समेत यो समुदायको बिषयलाई सकरात्मक रुपमा उठान गर्ने काम गरेको बताउनुभयो ।
कार्यक्रममा ब्लु डाइमण्ड सोसाईटीका केन्द्रीय अध्यक्ष प्रिङ्की गुरुङले संविधानमा कहि अधिकार स्थापित भएपनि पूर्ण भने नभएको बताउनुभयो ।
उहाले अहिले पनि तेस्रो लिंगि भएकै कारण पलपलमा भेदभाव हुने गरेको बताउनुभयो ।
तेस्रो लिंगि यानिक राना मगरले लैंगिक तथा यौनिक अल्पसंख्यकहरुलाई कुनै पनि निकायमा सम्बोधन नहुने भन्दै समाजले सम्मान दिनुपर्नेमा जोड दिनुभयो।
उहाले नागरिकतामा तेस्रो लिंगीको पहिचान दिन नखोज्ने र दिइएहाले पनि उनीहरुले तेस्रो वा समलिंगि भएकै कारण रोजगारी नपाउने समस्या देखिएको बताउनुभयो ।
कार्यक्रममा राष्ट्रिय मानव अधिकार आयोग प्रदेश ५ का निर्देशक पवन भट्ट,
नमूना एकिकृत विकास परिषद रुपन्देहीका अध्यक्ष ज्ञानु पौडेल,
यौनिक अल्पसंख्यक समुदायका तर्फबाट पुष्पा लामा, शिल्पा चौधरी,
परिना चौधरी,प्ररेणा विष्ट, स्यालोन गुरुङ, सपना चौधरी लगायतले बोल्दै प्रदेश सरकारलाई तेस्रो लिंगिलाई खुलेर बाँच्ने वातावरण बनाउन आग्रह गर्नुधएको थियो ।
तेस्रो लिंगि तथा यौनिक अल्पसंख्यकहरुको हक अधिकार प्रबद्र्धनका लागि सामाजिक विकास मन्त्रालयले प्रदेशस्तरीय छलफल कार्यक्रम राखिएको मन्त्रालयका सामाजिक विकास महाशाखा प्रमुख शारदा बस्यालले जानकारी दिनुभयो ।
कार्यक्रमको सञ्चालन महिला विकास अधिकृत शारदा भट्टराईले गर्नुभएको थियो।
