राधा पोख्रेल ,गुल्मी
असार ४ –
छत्रकोट गाउँपालिका वडा न ६ दौघा गुल्मीमा नेतृत्व बिकास तथा उदघोषण तालिम सम्पन्न भएको छ । छत्रकोट गाउँपालिका को महिला लक्षित कार्यक्रम अन्र्तगत महिलाहरुलाइ नेतृत्व बिकास तथा उदघोषण तालिम दिइएको हो ।
असार १ गतेदेखि ३ गतेसम्म सन्चालित तालिममा २७ जना महिलाहरुको सहभागीता रहेको थियो ।
समापन समारोहका प्रमुख अतिथि गाउपालीका उपाध्यक्ष नर्मदा भण्डारीले नेतृत्व बिकासका लागि महिलाहरु घर ,छिमेक, टोल हुदै अगाडि बढ्नुपर्ने बताउनुभएको थियो ।
महिलाहरुलाई बिभेद गर्ने परम्परालाई घरैबाट निर्मुल पार्दै जानुपर्नेमा जोड दिनुभएको थियो ।
समापन समारोहका अध्यक्ष तथा वडा अध्यक्ष थम्मन ज्ञवालीले श्रीमान श्रीमतीबाटै सह अस्तित्व का लागि तथा आयआर्जनको बाँडफाड हुनुपर्ने बताउनुभएको थियो ।
कार्यक्रममा पुर्व गाबिस अध्यक्ष लोक बहादुर ज्ञवालीले सिकाई उपलब्धी राम्रो भएको बताउदै सहभागिहरुले सिकेका कुराहरु आ आफ्नो घरैबाट लागु गर्नुपर्ने बताउनुभएको थियो ।
कार्यपालीका सदस्यकमला ढकालले सचेतना तथा नेतृत्व बिकास सम्बन्धी तालिमको निरन्तरताको लागि पहल गर्ने प्रतिबद्धता जनाउनुभएको थियो ।
सहभागि कमला ज्ञवाली र नर्मदा सुर्यबंशिले सिकाइ उपलब्धी राम्रो भएको तर समय थोरै भएको प्रतिक्रिया दिनुभएको थियो ।
कार्यक्रमको सहजिकरण रुरु एफ एमका प्रमुख युगराज बस्याल र पत्रकार मनोज कार्कीले गर्नुभएको थियो । समापन समारोह वडाका कर्मचारी माधब थापाको सन्चालनमा सम्पन्न भएको थियो ।
