सर्लाही ,
असार १३ –
सर्लाहीमा अज्ञात व्यक्तिको गोली प्रहारबाट एक मजदुर घाइते भएका छन्।
लालबन्दी नगरपालिका १ नवलपुरमा शनिबार मध्यान्ह अज्ञात व्यक्तिले चलाएको गोली प्रहारबाट एक मजदुर घाइते भएका हुन्।
घाइते हुनेमा सोही ठाउँका ३० वर्षीय जयनाथ महतो रहेका छन ।
मोटरसाइकल चढेर आएका दुई जनाको समूहले प्रहार गरेको गोली लागि महतो घाइते भएका हुन्।
पाखुरामा एक गोली लागेर घाईते महतोलाई नवलपुरको एक स्वास्थ्य संस्थामा सामान्य उपचार गरी वीरगञ्ज रिफर गरिएको प्रहरीले जनाएको छ।
उनीमाथि गोली प्रहार हुनुको कारण भने खुल्न सकेको छैन।
घटनामा संलग्नको खोजी तीव्र पारिएको सर्लाहीका प्रहरी प्रवक्ता डिएसपी प्रतितसिंह राठौरले जानकारी दिनुभएको छ ।
