गुल्मी ,
असार १४ –
राष्ट्रिय वृक्षारोपण दिवसको अवसरमा गुल्मीको छत्रकोट गाउपालीका वडा नम्बर २ पाल्टुङ मा वृक्षारोपण गरेर कार्यक्रमको सुभारम्भ गरिएको छ ।
बर्दिया क्षेत्र न १ प्रदेश सभा सदस्य तिलक राम शर्मा ,प्रदेश सदस्य कुल प्रसाद पोखरेल को उपस्थिति मा छत्रकोट गा पा अध्यक्ष मदुकृष्ण पन्थ लगायतले वृक्षारोपण गरेर कार्यक्रमको सुभारम्भ गर्नुभएको हो ।
यस्तै गुल्मीको रुरु गाउपालीका वाड नंम्बर ४ को श्रृङगेश्वर सामुदायिक बन को सेती ढुङगामा बृक्षारोपण गरिएको छ ।
बृक्षारोपण दिबसको अबसरमा आज सत्यवति सब बन डिभिजन कार्यलयको आयोजनामा आधुनिक सल्लो र सुनकाउलीको १५० वटा बिरुवा रोपिएको हो ।
बृक्षारोपण कार्यक्रममा बन अधिकृत पलमान सेर्बुजा र मुना शर्मा , नेपाल पंक्षी संरक्षण संयोजक भरत पन्थी लगायत ४२ जनाको सहभागिता रहेको थियो ।
हरेक वर्ष असार १४ गते लाई राष्ट्रिय वृक्षरोपण दिवसका रूपमा मनाउने निर्णय गर्दै सरकारले आगामी तीन वर्षमा ३ करोड फलफूलका बिरुवा रोप्ने लक्ष्य लिएको छ ।
उता राष्ट्रिय वृक्षारोपण दिवसको अवसरमा काठमाडौंको कोटेश्वर, कलंकी सडक किनारमा आज बिहान फलफूलका बिरुवा रोपिएको छ ।
प्रधानमन्त्री केपी शर्मा ओलीले कोटेश्वरमा नासपातीको बिरुवा रोपेर वृक्षारोपण अभियानको शुभारम्भ गर्नुभएको हो ।
वृक्षारोपण अभियानको शुभारम्भ गर्दै प्रधानमन्त्रीले अब काठमाडौं हराभरा बन्ने बताउनुभयो । सन्तानलाई गरेजस्तै माया बोटबिरुवालाई गर्न प्रधानमन्त्रीले आह्वान गर्नुभयो ।
सरकारले हालै असार १४ गतेलाई राष्ट्रिय वृक्षारोपण दिवस मनाउने निर्णय गरेको थियो । सोही निर्णयअनुसार वन तथा वातावरण मन्त्रालयको आयोजनामा देशभर वृक्षारोपण अभियान सुरु गरिएको हो ।
कोटेश्वर क्षेत्रको कार्यक्रममा प्रधानमन्त्री ओलीसहित, उनकी पत्नी राधिका शाक्य, गृहमन्त्री रामबहादुर थापा, वनमन्त्री शक्ति बस्नेत, सामान्य प्रशासन मन्त्री लालबाबु पण्डित, अर्थमन्त्री डा। युवराज खतिवडा, भूमि व्यवस्था तथा गरिबी निवारण मन्त्री पद्मा अर्याल, खानेपानी मन्त्री विना मगर, कानुन मन्त्री भानुभक्त ढकाल, शताब्दी पुरुष सत्यमोहन जोशीलगायत सहभागी भएका थिए ।
