गुल्मी
असार १७
चन्द्रकोट गाउपालीकाका युवाहरुलाई सरकारी सेवामा आकर्षण गर्नका लागि चन्द्रकोट गाउपालीकाको आयोजना ,चन्द्रकोट क्याम्पसको संयोजन र मानका टिकाराम बहुमुखि क्याम्पसको सह संयोजनमा २ दिने लोक सेवा तयारी अभिमुखिकरण कार्यक्रम सोमबारबाट सुरु भएको छ ।
कार्यक्रमको उद्धघाटन गाउपालीका अध्यक्ष द्रोण खत्रीले गर्नुभएको थियो । कार्यक्रममा उपाध्यक्ष राधिका अर्याल, प्रमुख प्रशासकिय अधिकृत, क्याम्पस प्रमुखहरुको सहभागिता रहेको थियो ।
कार्यक्रममा क्याम्पस र प्लस टु मा अध्ययनरत १ सय ५ जना बिद्यार्थिहरुको सहभागिता रहेको छ ।
कार्यक्रममा प्रशिक्षण चन्द्रकोट गाउपालीकाका प्रमुख प्रशासकिय अधिकृत कृष्ण प्रसाद भण्डारीले गर्नुभएको छ ।
अभिमुखिकरण कार्यक्रम आज समापन हुदैछ ।
यसैबिच चन्द्रकोट गाउपालीकाको आयोजनामा महिला शसक्तिकरण कार्यक्रम अन्तर्गत ३ दिने पालीका स्तरिय उद्धघोषण तालिम सोमबारबाट सुरु भएको छ ।
तालिममा चन्द्रकोट गाउपालीकाका ३५ जना महिलाहरुको सहभागिता रहेको छ ।
