अर्घाखाची,
असार १९ –
अर्घाखाचीको सन्धिखर्क नगरपालिका–७ सुपादेउराली मोडमा बिहीबार बिहान जिप दुर्घटनामा मृत्यु हुने मध्ये एक जनाको परिचय खुलेको छ ।
दुर्घटनामा ३ जनाको ज्यान गएको थियो जसमध्ये जिप चालक सन्धिखर्कका सुमन्त भुसालको शनाखत भएको छ। अरू दुईजनाको नाम नखुलेको जिल्ला प्रहरी कार्यालय सन्धिखर्कले जनाएको छ।
दुईजनाको घटनास्थलमै र एक जनाको उपचारको क्रममा प्राथमिक स्वास्थ्य केन्द्र ठाडामा मृत्यु भएको हो। मृत्यु हुनेमा तीनैजना पुरुष रहेको प्रहरीले जनाएको छ। ६ जना घाइतेलाई उपचारका लागि बुटवल पठाइएको छ।
घाइतेहरु गम्भीर रहेको प्रहरीले जनाएको छ। कपिलवस्तुको कृष्णनगरबाट सन्धिखर्क जाँदै गरेको लु१ज १३२९ नम्बरको जिप सडकबाट झन्डै ३ सय मिटर तल भिरबाट खसेर दुर्घटना ग्रस्त भएको हो।
