काठमाडौ ,
असार २२ –
माध्यमिक शिक्षा परीक्षा एसईईको ग्रेडवृद्धि परीक्षाको तालिका परिवर्तन भएको छ ।
परीक्षा बोर्डले माध्यमिक शिक्षा परीक्षा कक्षा १० को ग्रेडवृद्धि ९पूरक० परीक्षाको समय तालिका परिवर्तन गरेको हो।
यसअघि साउन २६ र २७ का लागि तोकिएको परीक्षा आउँदो भदौ १ गतेदेखि ११ गतेसम्म हुने राष्ट्रिय परीक्षा बोर्डले जनाएको छ ।
बोर्डले सूचना निकालेर भदौ १ गतेदेखि परीक्षा हुने जनाएको हो ।
२०७५ चैतमा सञ्चालित कक्षा १० परीक्षामा नियमित समूहतर्फ सहभागी भई सी वा त्योभन्दा कम ग्रेड पाएका विद्यार्थीले आफूले चाहेको दुई विषयसम्म परीक्षा दिन पाउने व्यवस्था गरिएको बोर्डले जनाएको छ।
तर दुई विषय भन्दा बढी विषयमा अनुपस्थित रहेका वा ग्रेड उल्लेख नभएका विद्यार्थी भने यो परीक्षामा सहभागी हुन नपाउने सूचनामा उल्लेख छ ।
त्यसका लागि साउन १० भित्र फाराम भर्न भनिएको छ।
भदौ १ गतेदेखि हुने परीक्षा बिहान ८ बजेदेखि ११ बजेसम्म चल्नेछ ।
