काठमाडौ
असार २९
लगातारको वर्षापछि आएको बाढी, पहिरो र डुबानमा परी ज्यान गुमाउनेको संख्या ६० पुगेको छ ।
प्रहरी प्रधान कार्यालय नक्सालका अनुसार बाढी पहिरोमा परेर अहिलेसम्म २४ जना महिला र ३६ जना पुरुष गरी ६० जनाले ज्यान गुमाइसकेका छन् ।
बाढी पहिरोमा परेर १७ जना महिला र २१ जना पुरुष गरी ३८ जना घाइते भएका छन् ।
त्यस्तै १२ जना महिला र १४ जना पुरुष गरी २६ जना बेपत्ता भएका छन् ।
एक हजार चार सय ४४ जनाको उद्धार गरिएको प्रहरीले जनाएको छ ।
यसैबिच सरकारले बाढी, पहिरो तथा डुवान प्रभावित क्षेत्रमा तत्काल अत्यावश्यक सेवा सुचारु गर्ने निर्णय गरेको छ ।
प्रधानमन्त्री निवास बालुवाटारमा बसेको मन्त्रिपरिषद् बैठकले रक्षा, गृह र भौतिक पूर्वाधार मन्त्रालयले समन्वय गरेर विद्युत, सडक, खानेपानी लगायतका प्रधानमन्त्री निवास बालुवाटारमा बसेको बैठकले सुचारु गर्ने निर्णय गरेको हो ।
बैठकले प्रभावित क्षेत्रमा तत्काल राहत पु¥याउने तथा घाइतेहरुको उपचारमा कुनै कमी हुन नदिने निर्णय पनि गरेको छ ।
प्रभाजित क्षेत्रमा प्रकोप फैलन नदिने औषधि र उपकरणसहित स्वास्थ्यकर्मीहरुको टोली पठाउने निर्णय भएको सरकारका प्रवक्ता एवं सञ्चारमन्त्री गोकुल बास्कोटाले जानकारी दिनुभयो ।
