साउन १९
नेपाल लोकतान्त्रिक व्यापार संघ छत्रकोट ३ हर्दिनेटाको हिजो प्रथम भेला सम्पन्न भएको छ ।
संघका छत्रकोट ३ अध्यक्ष बैकुण्ठ पन्तको अध्यक्षतामा सम्पन्न कार्यक्रममा उद्योग बाणिज्य संघ गुल्मीका अध्यक्ष श्री प्रसाद भलामीको
प्रमुख आतिथ्यता रहेको थियो ।
कार्यक्रममा बोल्दै प्रमुख अतिथी भलामीले सरकार व्यापारी,ब्यवसायी देखि सबै जनता प्रती उत्तरदायी बन्न नसकेको भन्दै आलोचना गर्नुभयो ।
कार्यक्रमलाइ बिषय प्रबेश गराउदै संघका अध्यक्ष बैकुण्ठ पन्तले बिसुद्ध ब्यापारीहरुको हक हितका लागि नेपाल लोकतान्त्रिक व्यापार संघ
गठन गरिएको भन्दै संघ भन्दा बाहिर रहनु भएका ब्यापारीहरुलाइ पनि संघमा आवद्ध हुन आव्हान गर्नुभयो ।
कार्यक्रममा बोल्दै ब्यवसायी बाबुराम पन्थले सरकारले लगाएको भिसिआरटी ले ब्यापारीहरु झन मारमा परेकाले यसलाइ परिस्कृत गरेर मात्र
लागू गर्न सरकारलाइ दबाब दिनु पर्ने भन्दै ब्यवसायीलाई आग्रह गर्नु भयो ।
नेपाली काङ्ग्रेस सङ्ग आस्थावान व्यापारी एबम ब्यवसायी हरु एक हुने उदेश्यले आयोजित भेलाले लोकतान्त्रिक ब्यवसायीहरुले प्रत्यक दिनको
एक रुपैयाँ पार्टीका लागि दिने निर्णय गरेको छ ।
साथै लोकतान्त्रिक ब्यापार संघ लाई अब देशब्यापी बनाइ नेपाली काङ्ग्रेसको भातृ संघठन बनाउने निर्णय गरेको छ ।
कार्यक्रममा नेपाली काङ्ग्रेसकि नेत्री धना भण्डारी,लक्ष्मि पाण्डे, नेता अनन्त पौडेल, शंकर पन्थ, धातानन्द भण्डारी, धातानन्द भुसाल, महेश्वर भण्डारी,
व्यापार संघका उपाध्यक्ष होमनारायण पन्थले स्वागत मन्तब्य राख्नु भएको कार्यक्रमको संचालन श्रीराम खत्रीले गर्नु भएको थियो ।
हिजोको भेलाले बैकुण्ठ पन्तको अध्यक्षतामा १३ सदस्यीय तदर्थ समिती गठन गरिएको छ ।
