डायलसन अधिकारी
साउन २२
गुल्मीको सत्यवतीमा पहिरोबाट बिस्थापितहरुलाई पुनर्बासको व्यवस्था मिलाउन प्राबिधिकहरुको टोलीले अध्ययन सुरु गरेको छ ।
गत साता पहिरो गएको सत्यवती गाउपालिकाको वडा नम्वर ३ र ४ को ठूलो लुम्पेक र लिम्घा गाउँका बिस्थापितलाई पुनर्बासको
व्यवस्था मिलाउन जिल्ला प्रकोप व्यवस्थापन समिति मार्फत आएको इञ्जिनीयरहरुको प्राबिधिक टोली र गाउपालिका कार्यपालिका
सदस्यहरुको संयुक्त टोलले अध्ययन सुरु गरेको हो ।
टोलीले हिजो बिहानदेखि अध्ययन सुरु गरेको गाउपालिकाका अध्यक्ष पारीश्वर ढकालले जानकारी दिनुभयो ।
गत मंगवबार गएको पहिरोमा परेर ठूलो लुम्पेक र लिम्घामा तीन वटा घरका १३ जनाको मृत्यु भएको थियो
दुई स्थानमा गएको पहिरोबाट ३०७ घर परिवार प्रभावित भएका छन् । सत्यवती गाउँपालिकाको वडा नम्बर ३ र ४ को
ठूलो लुम्पेक र लिम्घा गाउँमा पहिरोले एक हजार २६० जना प्रभावित भएको गाउपालिकाका अध्यक्ष ढकालले बताउनुभयो ।
प्रभावितमध्ये १७ वटा घर, ६१ वटा गोठ र ३६ वटा शौचालय पूर्ण रुपमा क्षति भएको, १८ वटा घर, २३ वटा गोठ र
१८ वटा शौचालयमा आंशिक क्षति पुगेको छ ।
पहिरोबाट २८ वटा भैंसी, एउटा गाई, ६७ वटा बाख्रा र १९ वटा बंगुर तथा २१९ वटा कुखुरा क्षति भएको छ । दुई स्थानमा
करिव एक हजार साना ठुला पहिरो गएको अध्यक्ष ढकालले बताउनु भयो ।
विस्थापितहरुलाई सोही गाउँपालिकाको धर्मपुर माध्यामिक विद्यालय, नवबिहानी प्राथमिक विद्यालय, धर्मपुर प्राथमिक विद्यालय,
राम माध्यामिक विद्यालय, मनकामना प्राथमिक विद्यालय र साजपूर प्राथमिक विद्यालयमा तथा एउटा निजी फर्मको खाली जग्गामा राखिएको छ ।
बर्षे बिदा गरीएका बिद्यालय सञ्चालन गर्ने समय भएकाले बिस्थापितहरुलाई पुनर्बासको व्यवस्था मिलाउन थालिएको अध्यक्ष ढकालले बताउनु भयो ।
यसैबिच बुटवल उद्योग वाणिज्य संघले गुल्मीको सत्यवतीमा गएको पहिरो प्रभावित परिवारहरुलाई राहात सामाग्री वितरण गरेको छ ।
संघका अध्यक्ष खिम बहादुर हमालको नेतृत्वमा संघको एक टोली पहिरो प्रभावित क्षेत्र सत्यवतीको ठुलो लुम्पेकमा पुगेर
राहत सामाग्रि हस्तान्तरण गरेको हो ।
सत्यवती गाउपालिका र वडा कार्यालयसंग समन्वय गरी संघले जेष्ठ नागरीक, बालबालिका र अशक्तलाई सुत्नका लागि डवल बेडका
३० थान फोल्डीगं खाट सहित चामल, आटा,चिउरा, दालमोट, सोयाबिन, बिष्कुट, भुजा, चाउचाउ लगायतका सामान हस्तान्तरण गरेको हो ।
संघका अध्यक्ष हमालले गाउपालिका अध्यक्ष ढकाल र वडा अध्यक्ष भीम पाण्डेलाई ३० वटा फोल्डिग खाट र वडा सदस्य अर्जुन तरामुलाई
खाद्य सामाग्रि हस्तान्तरण हस्तान्तरण गर्नु भएको थियो ।
गाउपालिका अध्यक्ष ढकाल र वडाअध्यक्ष पाण्डेले खाट तत्काल संघको टोलीकै उपस्थितिमा प्रभाबित परिवारलाई बितरण गर्नु भएको थियो भने
खाद्य सामाग्रि स्थानीय प्रकोप व्यवस्थापन समितिको भण्डारमा राखिएको थियो ।
त्यसअवसरमा बौल्दै गाउपालिका अध्यक्ष ढकालले तत्कालका खाद्य सामाग्रि सहित जेष्ठ नागरीक, बालबालिका र असक्तका लागि
खाट उपलब्ध गराएकोमा संघ प्रति आभार व्यक्त गर्नुभयो ।
उहाले तत्कालका सामाग्रिहरु भन्दा दीगो व्यवस्थापनमा सहयोग पुग्ने सामाग्रि सहयोगका लागि पहल गर्न संघलाई आग्रह गर्नुभयो ।
संघका अध्यक्ष हमालले संघका पदाधिकारी, सदस्य तथा शुभेच्छुकहरुबाट प्राप्त सहयोगलाई संघले प्रभाबितहरुलाई सानो भएपनि
सहयोग होसभन्ने उद्धेश्यले राहत लिएर आएको बताउनु भयो ।
उहाले गाउपालिका र स्थानीयको अपेक्षा अनुसार संघका सदस्य व्यवसायीहरु तथा अन्य सस्थाहरुलाई दीगो व्यवस्थापनका सामाग्रि
सहयोगका लागि पहल गर्ने बताउनु भयो ।
राहत हस्तान्तरणका लागि अध्यक्ष हमाल सहित बाणिज्य उपाध्यक्ष हरी प्रसाद अर्याल, कोषाध्यक्ष बिमलराज भट्टराई, सदस्य नरिश्वर शर्मा पौडेल,
मुक्ति अधिकारी र पत्रकार डायलसन अधिकारी गुल्मी जानु भएको थियो ।
