युगराज बस्याल
गुल्मी ,साउन २२
छत्रकोट गाउपालीका गुल्मीले बिद्यालयमा फुलबारी र बगैचा निर्माण अभियान सुरु गरेको छ ।
बिद्यालयको बातावरण राम्रो बनाउन एवम् व्यबहारिक ज्ञान दिन अभियानकै रुपमा बगैचा र फुलबारी बनाउने अभियान सुरु गरिएको हो ।
आज गाउपालीका र बिद्यालयका पदाधिकारी शिक्षक स्टाफको सहयोगमा प्रावी बाहेकका बिद्यालयमा फुल रोपिएको गाउपालीका अध्यक्ष मधुकृष्ण पन्थले जानकारी दिनुभयो ।
बिद्यालयको जग्गाको अवस्था अनुसार फलफुलका बिरुवा समेत रोप्ने कार्यक्रम तय गरिएको र नर्सरी बाट बिद्यालयलाई निशुल्क बिरुवा उपलब्ध गराइएको अध्यक्ष पन्थले बताउनुभयो ।
यसैबिच श्रृङगा जनता माध्यमिक बिद्यालयमा पनि गाउपालीका अध्यक्ष मधुकृष्ण पन्त, उपाध्यक्ष नर्मदा भण्डारी, शिक्षा समितिका सदस्य शंकर प्रसाद पन्थ, शिक्षा शाखा प्रमुख बिष्णु प्रसाद ज्ञवाली , बिद्यालय व्यवस्थापन समिति अध्यक्ष होमनाथ कडेंल , निमित्त प्रधानाध्यापक मिना कडेंल, बिद्यालय व्यवस्थापन समिति सदस्य तारा कंडेल, शिक्षक पशुपति कडेल लगायत स्थानियको सहभागितामा बिरुवा रोपिएको हो ।
समितिका अध्यक्ष कडेलले वातावरण हराभरा बनाउन बिरुवा रोपण कार्यक्रम अघि सारेकोमा गाउपालीकालाई धन्यावाद ज्ञापन गर्नुभएको थियो ।
यस कार्यक्रमलाई निरन्तरता दिइने गाउपालीका उपाध्यक्ष नर्मदा भण्डारीले बताउनुभयो ।
जनजागृति माध्यमिक बिद्यालय हुँगाकी प्रधानाध्यपक कमला भण्डारीले यस अभियानले बिद्यार्थिहरुलाई दैनिक व्यबहारीक ज्ञानको बृद्धि गर्ने बताउनुभएको थियो ।
