साउन २४
चाड पर्व नजिक आए पछि चोरिका घटना बढ्न थालेका छन ।
गयराती तिनपा ५, मणिग्रामदेखि पुर्व लहरै अवस्थित नयाँ सटर डि.जी ईन्टरप्राईजेजमा चोरीको प्रयास भएको छ । दुकानमा रहेका २ वटा ताला मध्ये चोरले एउटा ताला फोडे पनि अर्को ताला फोड्न नसक्दा चोरीको प्रयास भने असफल भएको छ । पसल बाहिर रहेको सिसिटिभी क्यामेरामा कैद दृश्यमा एकजना चोर जो मुकुन्डोधारी अनुहार अस्पष्टले रेति लगायतका औजार सहित सटरको चाबी काटिरहेको भिडियो कैद भएको छ । राती करीब २ बजेपछि पटक पटक ताला काट्ने र फोड्ने प्रयास अन्ततह असफल भएपछि भागेको सिसिटभी क्यामेराको भिडियोमा कैद भएको मंगलापुर प्रहरीले जनाएको छ । चोरको खोजी प्रयास भैरहेको र निगरानी बढाईएको पनि प्रहरीले जनाएको छ । पछिल्लो पटक मणिग्राम वरपरका क्षेत्रमा चोरीका घटना बढ्दै जाँदा ब्यवसायीहरू चिन्तित बनेका छन । तपाई पनि आफ्नो पसल वा ब्यापारिक संघ संस्थाको सुरक्षामा ध्यानदिनु होला
