गुल्मी सुरेश थापा,
साउन २६-
गुल्मीको सत्यवति गाउपालीका वडा नम्बर ४ लिम्घामा पिकअप जिप दुर्घटना हुदा घाइते भएकाहरुको परिचय खुलेको छ ।
खैरेनीबाट लिम्घा जादै गरेको लु १ च ४३२० नम्बरको पिकअप जिप आइतबार दुर्घटना भएको थियो ।
लिम्घाको खोटडाडा भन्ने स्थानमा बाटो उकालो भएकाले तान्न नसकेर ब्याक भइ दुर्घटना भएको इलाका प्रहरी कार्यालय खैरेनीका प्रमुख नागेन्द्र मल्लाहले जानकारी दिनुभयो ।
जिपमा ६ जना सबार रहेको मल्लाहले बताउनुभयो । दुर्घटना मा ४ जना घाइते भएका छन । घाइते सबै सत्यवति ४ लिम्घाका रहेको प्रहरीले जनाएको छ ।
घाइते हुनेमा वर्ष ३६ कि लक्ष्मी बिक , बर्ष ३५ कि कुमारी बिक, वर्ष १७ कि अस्मिता बिक र वर्ष ४२ का थम्मन सार्की रहेका छन । घाइते मध्ये २ जना लक्ष्मी बिक , कुमारी बिकलाई पाल्पा पठाइएको छ ।
अरु २ जनाको जोहाङ प्राथमिक स्वास्थ्य केन्द्रमा उपचार भइरहेको छ ।
स्वास्थ्य चौकी लिम्घाको टोलीले घटनास्थलमा पुगेर घाइतेहरुको प्राथमिक उपचार गरेको थियो ।
