काठमाडौ
साउन २७
आज अन्तर्राष्ट्रिय युवा दिवस , नेपालमा पनि मनाईँदै छ ।
शिक्षामा रुपान्तरण, उद्यमशीलता र नव प्रवर्द्धन भन्ने नाराका साथ सोमबार अन्तर्राष्ट्रिय युवा दिवस नेपालमा पनि मनाईँदैछ ।
संयुक्त राष्ट्रसंघको आह्वानमा सन् १९९९ देखि अगस्ट १२ तारिखमा यो दिवस विश्वभर मनाउन थालिएको हो । नेपालमा भने सन् २००४ देखि मात्रै अन्तर्राष्ट्रिय युवा दिवस मनाउँदै आइएको छ ।
युवाका मुद्दालाई सम्बोधन गर्न नेपालमा युवा विकास तथा परिचालनका लागि राष्ट्रिय युवा नीति बनाई युवा विकासका विषयवस्तुलाई नीतिगत रूपमा समावेश गरिएको छ ।
युवाका विषयमा विश्वका सरकार तथा सरोकारवालालाई सचेत र जागरुक बनाउन यो दिवस मनाउने गरिन्छ । दिवस मनाइए पनि युवामा बेरोजगारी, अर्धदक्ष जनशक्ति, गुणस्तरीय शिक्षा जस्ता समस्या रहेका छन् ।
युवा बेला भनेको जोश, जाँगर सिर्जना र रचनात्मकतामार्फत समाज र देशका लागि योगदान दिन सक्ने सयम हो । तर, नेपालमा युवामैत्री ब्यवस्था बन्नै नसकेको र युवालाई देशको विकासमा उपयोग नगरिएको गुनासो पटकपटक उठ्ने गरेको छ ।
यसैबिच विभिन्न पेशा व्यवसाय गर्दै आइरहेका युवा उद्यामीहरुको राष्ट्रिय सम्मेलन आज काठमाडौमा हुदै छ ।
कार्यक्रममा देशभरीका ५ सय भन्दा बढी युवा उधमीहरुको सहभागीता रहने भएको छ ।
नेपाल सरकार युवा तथा खेलकुद मन्त्रालय र राष्ट्रिय युवा परिषदको सयुक्त आयोजना तथा विशाल मिडिया ग्रुपको संयोजनमा अन्तर्राष्ट्रिय युवा दिवसको अवसरमा सम्मेलनको आयोजना गरिएको हो ।
सम्मेलनको उद्घाटन समारोहमा राष्ट्रिय युवा प्रतिभा सम्मान पनि प्रदान गरिने सम्मेलनका संयोजक विशाल गैह्रेले जानकारी दिनुभयो । उद्घाटन कार्यबहाक प्रधानमन्त्री इश्वर पोखरेलले गर्नुहुने भएको छ ।
सम्मेलनको उद्घाटन समारोह विहान ११ बजेपछि नेपाल प्रज्ञा प्रतिष्ठान कमलादीमा हुनेछ ।
कार्यक्रममा देशभरीका ५ सय भन्दा बढी युवा उधमीहरुको सहभागीता रहने भएको छ ।
आजै ललितपुरस्थीत होटल हिमालयमा आज एशियन कृषि सम्मेलन सुरु भएको छ।
