कमल पौडेल
२८ श्रावण –
हरेक महिनाको एक दिन जन श्रमदान, बडिगाड गाउँपालिकाको जिवन्त अभियान भन्ने नारासहित गाउँपालिकाले सुरु गरेको अभियान प्रभावकारी बनाउन वडा नंम्बर २ खर्वाङका वासिन्दा जुटेका छन्।
यसैविच गाउँपालिकाले श्रावण २८ गते मंगलबार गाउँपालिका भर सरसफाई अभियान चलाउने बताएको छ। सोहि अनुरुप बडिगाड गाउँपालिका वडा नं। २ को वडा कार्यालयले आयोजना गरेको सामाजिक अगुवाहरुको वैठकले श्रावण २८ गतेलाई सरसफाई तथा स्वच्छता अभियानको रुपमा मनाउने निर्णय गरेको छ।
२८ गते मध्यपहाडि लोकमार्ग क्षेत्रमा रहने वासिन्दाले गिरिंदी देखि लब्धीखोला सम्म सफाई अभियानमा सहभागि हुने र माथिल्लो भेगमा बसोवास गर्ने बासिन्दाले आआफ्नो टोलमा सामुहिक रुपमा सरसफाई, झाडि सफाई तथा सडक सफाई गर्ने निर्णय गरेको हो।
सो सफाई अभियानमा सहभागि नहुने वासिन्दालाई जरिमाना समेत तिराइने वडा कार्यालयले जनाएको छ।
