बुटबल
साउन ३२ –
जीप दुर्घटना हुँदा पत्रकार डायलसन अधिकारीको मृत्यु भएको छ ।
दुर्घटनामा चार जना घाइते भएका छन् । सप्तरीको कञ्चनरुप गाउँपालिका ११ बक्साहामा बा १६ च २२३५ नम्बरको जीप शनिबार बिहान दुर्घटना भएको थियो । पत्रकार अधिकारी सहितको टोली रुपन्देहिको तिलोत्तमा नगरपालिकाले आयोजना गर्न लागेको लगानी सम्मेलनको प्रचारप्रसारको लागि पूर्वतर्फ जाँदै थियो ।
रुपन्देहीको तिलोत्तमा नगरपालिका ३ का ३५ वर्षीय अधिकारी रेडियो नेपालमा कार्यरत थिए । घाइतेमध्ये चालक अशोक भण्डारीको अवस्था गम्भीर रहेको प्रहरीले जनाएको छ । घाइतेहरुलाई उपचारका लागि विराटनगर लगिएको छ ।
