चुरामणि तिमिल्सीना
गुल्मी ,भदौ १ –
आउदो भदौ २८ गते देखि असोज १७ सम्म रिडिमा सन्चालन हुने बृहत महायज्ञको तयारी तीब्र रुपमा अगाडि बढिरहेको छ ।
आज प्रदेश न ५ का सामाजिक बिकास मन्त्री सुदर्शन बलाल सङग महायज्ञको सचिबालयमा अन्तरकृया कार्यक्रम सम्पन्न भएको छ ।
अन्तरकृया कार्यक्रममा मुल समितिका अध्यक्ष गुरु प्रसाद ज्ञवालीको अध्यक्षता ,प्रदेश नम्बर ५ का सामाजिक बिकास मन्त्री सुदर्शन बलालको प्रमुख आथित्यता रहेको थियो।
कार्यक्रममा स्वकिय सचिब यदु ज्ञवाली , कार्यक्रमका निर्देसक पर्सुराम भट्टराई , रुरु १ का अध्यक्ष रामलाल बिक, ता न पा १४ का वाड सदस्य सीता ज्ञवाली , उधोग बाणिज्य सघं रिडिका अध्यक्ष सुबर्णलाल कक्षपति , समाजसेबि सुन्दर ज्ञवाली , सुरज गुरुङ , टन्क खनाल लगायतको उपस्थिति रहेको थियो।
कार्यक्रममा बोल्दै मन्त्री बलालले सामाजिक बिकास मन्त्रालय बाट जुन सुकै सहयोग गर्ने प्रतिबद्धता जनाउनुभएको थियो ।
साथै रुरु धामको प्रचारप्रसार गर्न सामाजिक बिकास मन्त्रालय लागि परिरहेको बताउनुभएको थियो । मन्त्री बलाल लाई कार्याक्रमको वरिष्ठ संरक्षक नामको मनोनयन पत्र प्रदान गरिएको थियो ।
कार्यक्रममा प्रमुख बाचक बाल योगेशर महाराजले कार्यक्रम माथी प्रकाश पार्नुभएको थियो ।