बुटवल
भदौ ७ –
बुटवलको ट्राफिकचोकमा ट्रकको ठक्करबाट साइकल यात्रीको ज्यान गएको छ ।
शनिवार दिउँसो ट्रकले साइकलयात्रीलाई ठक्कर दिँदा घटनास्थलमै पाल्पाका एक जनाको ज्यान गएको हो । अर्का एक जना घाइते भएका छन् ।
लु २ ख ६८४ नम्बरको ट्रकले साइकलमा सवार पाल्पाको रैनादेवी छहरा गाउँपालिका ६ घर भएका अन्दाजी वर्ष २५ का पुरनबहादुर रासकोटीको मृत्यु भएको छ ।
दुर्घटनामा सोही स्थानका वर्ष ३६ का थम्मनबहादुर रासकोटी घाइते भएका छन् ।
उनको बुटवलस्थित लुम्बिनी प्रादेशिक अस्पतालमा उपचार भइरहेको प्रहरीले जनाएको छ ।
ट्रक र चालकलाई प्रहरीले नियन्त्रणमा लिएको छ । उनीहरू बुटवलमा बसेर घर बनाउने काम गर्दै आएका थिए ।
