अनिल खत्री
९ भदौ, गुल्मी
गुल्मीमा आगामी मंसिर १४ गते हुने उप निर्वाचनमा एक वडाध्यक्षको पदमा निर्वाचन हुने भएको छ ।
जिल्लाको रुरु गाउँपालिका वडा नम्बर ६ को रिमुवामा अध्यक्ष पदको लागि उप निर्वाचन हुने भएको जिल्ला निर्वाचन कार्यालयका निर्वाचन अधिकृत राजेन्द्र प्रसाद पोखरेलले जानकारी दिनुभयो ।
वडाका अध्यक्ष पुर्ण बहादुर रेगामीकोे निधन भएको थियो ।
७४ को प्रतिनिधि तथा प्रदेश सभा सदस्यको निर्वाचन अनुसार उक्त वडामा कुल १ हजार ९६७ मतदाता रहेका थिए ।
अन्तिम नामावली भने अझै प्रकाशन नभएकोले उक्त संख्यामा भने थपघट हुनसक्ने जिल्ला निर्वाचन कार्यालयका प्रमुख पोखरेलले बताउनु भयो ।
