कमल पौडेल
०९ भाद्र गल्कोट
गल्कोट नगरपालिकाका मेयर भरत शर्मा गैरेले आफुहरुको लक्ष्य योजना भनेकै समृद्ध गल्कोट भएको बताउनु भएको छ।
त्रिभुवन नमुना मावि बडिगाड गाउँपालिका २, खर्वाङका विद्यार्थीहरु संग नगरपालिकाकै सभाहलमा अन्तरक्रिया गर्दै गैरेले जनता संग सवै भन्दा नजिकको सरकार, स्थानिय सरकार भएको भन्दै आफुहरु जनताको दुःख सुखको साथमा रहेको बताउनु भएको छ।
विद्यार्थीहरुको प्रश्नको उत्तर दिँदै मेयर गैरेले हाल स्थानिय सरकारले कार्यपालिका, व्यवस्थापीका र न्यायपालिकाको अभ्यास गरिरहेको बताउनुभएको थियो। कार्यक्रममा गल्कोट नगरपालिकाका प्रमुख प्रशासकिय अधिकृत शिशिर पौडेलले स्थानिय सरकारको काम, कर्तव्य तथा अधिकार तथा तिन तहको सरकारको विषयमा प्रष्टाउनुभएको थियो।
त्यस्तै प्रशासकिय अधिकृत तुल बहादुर वि.क.ले गल्कोट नगरपालिकाले गरेका कामको विषयमा जानकारी गराउनु भएको थियो। कार्यक्रममा विद्यार्थीहरुले विभिन्न प्रश्नहरु राखेका थिए। कार्यक्रमको सहजिकरण कमल पौडेलले गर्नुभएको थियो। त्रिभुवन नमुना मावि को साधारण धार तर्फ कक्षा १० मा अध्ययनरत विद्यार्थीहरु सामाजिक अध्ययन विषय अन्तरगत लघुभ्रमणको क्रममा नगरपालिका पुगेका हुन्।
सामाजिक शिक्षकहरु सहितको विद्यार्थीहरुको टोलीले गल्कोट नमुना माविको अवलोकन गर्दै प्रधानाध्यापक देवेन्द्र खत्रि संग अन्तरक्रिया समेत गरेका थिए। त्यस्तै विद्यार्थीको सो टोलीले निर्माणाधिन दरमखोला जलविद्युत परियोजना लगाएतका स्थानको अवलोकन गरेका थिए।
त्रिभुवन नमुना माविले विभिन्न समयमा फरकफरक कक्षाका विद्यार्थीहरुलाई विषयगत रुपमा लघुभ्रमणमा लैजादै आएको छ।
