अनिल खत्री
९ भदौ, गुल्मी
गुल्मीमा मोटरसाइकलबाट खसेर एक जनाको मृत्यु भएको छ ।
जिल्लाको गुल्मी दरवार गाउँपालिका वडा ६ मा लु २७ प ७३९० नम्बरको मोटरसाइकलबाट खसेर ८४ वर्षिय दोर्णनाथ कंडेल मृत्यु भएको जिल्ला प्रहरी कार्यालय गुल्मीका प्रहरी निरिक्षक चुरामणी पुनले बताए ।
सोमबार दिउँसो कंडेल मोटरसाइकलमा सबर गर्ने क्रममा खसेर घाइते भएर उपचारको लागि श्रृङ्गा प्राथमिक स्वास्थ्य चौकीमा उपचारको क्रममा मृत्यु भएको प्रहरीले जनाएको छ ।
मोटरसाइकलमा सामान सहित सवार गरेका कंडेल बाटोमा खसेको चालकले प्रहरीलाई बताएका छन् ।
मोटरसाइकल चालकलाई ३२ वर्षिय बिष्णु बिकलाई नियन्त्रणमा लिएको प्रहरी निरिक्षक पुनले बताए ।
घटना बारे थप अनुसन्धन भइरहेको जिल्ला प्रहरी कार्यालय गुल्मीले जनाएको छ ।
