गुल्मी
भाद्र १४ –
गुल्मीको चन्द्रकोटमा पासो लगाएको अवस्थामा पुरुषको शव फेला परेको छ।
चन्द्रकोट गाउँपालिका वडा नम्बर ७ मजुवामा नाइलनको डोरीले पासो लगाएको अवस्थामा पुरुषको शव फेला परेको हो । अन्दाजि ५० वर्षीय पुरुषको शव मजुवाको हुग्दीखोलाको पक्की पुलमुनि खन्युको रुखमा पासो लगाएको अवस्थामा फेला परेको प्रहरी जनाएको छ।
शवको पहिचना हुन नसकेको जिल्ला प्रहरी कार्यालय गुल्मीका निरीक्षक चुरामणि पुनले बताउनुभयो । शवलाई पोष्टमार्टमका गुल्मी अस्पतालमा ल्यालगिइएको छ। शवको पहिचान नभएकाले कसैले चिनेमा जिल्ला प्रहरी कार्यालय गुल्मीमा सम्पर्क राख्न प्रहरीले आग्रह गरेको छ।
