अनिल खत्री
१७ भदौ, गुल्मी
अर्घाखाँचीमा वडाअध्यक्षको मोटरसाइकलमा अज्ञात समुहबाट आगजनी भएको छ ।
जिल्लाको छत्रदेव गाउँपालिका वडा नम्बर ७ का वडाअध्यक्षको मोटरसाइकल लु १ ब १६८८ नम्बरको अज्ञात समुहबाट आगजनी भएको जिल्ला प्रहरी कार्यालय अर्घाखाँचीका प्रहरी नायव उपरिक्षक (डिएसपी) प्रकाश बिष्टले बताउनुभयो ।
वडाअध्यक्षले आफनो घर नजिकै पार्किङ्ग गरेर राखेको मोटरसाइकलमा गएराति अज्ञात समुहले आगजनी गरेको बिष्टले बताउनुभयो । आगजनीबाट मोटरसाइकल पूर्ण रुपमा नष्ट भएको छ ।
मोटरसाइकलमा आगजनी भएपछि मंगलवार बिहान वडाअध्यक्षले प्रहरीलाई खबर गरेको र प्रहरी पुग्दा जलेर पूर्ण रुपमा नष्ट भएको प्रहरीले जनाएको छ । आगजनी गर्ने अज्ञात समुहको खोजी कार्य भइरहेको प्रहरी नायव उपरिक्षक (डिएसपी) बिष्टले जानकारी दिनुभयो ।
छत्रदेव गाउँपालिका वडा नम्बर ७ गुल्मीसँग जोडिएको वडा पर्दछ ।
