राधा पोख्रेल
गुल्मी, भदौ २१ –
साहित्य जागरण केन्द्र रुरु क्षेत्र गाउँपालिका वडा नम्बर ५ रानिबास गुल्मीको आयोजनामा तिज गित प्रतियोगिता सम्पन्न भएको छ।
रुरु क्षेत्र गाउँपालिका अन्तर्गतका वडा ,माध्यमिक बिद्यालय र निम्न माध्यमिक बिद्यालयहरुका लागि तिज गित प्रतियोगिता गरिएको थियो । प्रतियोगिता जनबोध माध्यमिक बिद्यालय गुल्मीको प्राङ्गणमा सम्पन्न भएको हो। प्रतियोगितामा ग्वादी माध्यमिक बिद्यालय प्रथम ,रेन्बो बोर्डिङ द्धितिय र जनबोध माध्यमिक बिद्यालय तृतीय भएका छन।प्रथम, द्धितिय र तृतीय हुने टिमलाई आकर्षक पुरस्कार र सहभागी सम्पुर्णलाई सहभागी पुरस्कार समेत प्रदान गरिएको थियो।
कार्यक्रममा साहित्य जागरण केन्द्रका अध्यक्ष काशीनाथ मिश्रितको अध्यक्षता, प्रदेश नम्बर प्रदेश ५ का बिशेषाधिकार समिती सभापति कमलराज श्रेष्ठको प्रमुख आथित्यता, रुरु क्षेत्र गाउँपालिकाका अध्यक्ष निलकण्ठ गौतम र गाउँपालिका उपाध्यक्ष लक्ष्मी पन्थको बिशिष्ट आथित्यता रहेको थियो।प्रशासकीय अधिकृत चेतनाथ गिरि, गाउँपालिका भित्रका सम्पुर्ण वडाका वडा अध्यक्षहरु,श्रृङ्गेश्वर बहुमुखी क्याम्पसका क्याम्पस प्रमुख शोभाकर लगायतको कार्यक्रममा आथित्यता रहेको थियो।
जागरण केन्द्रका सचीव मणिराम ज्ञवालीको स्वागत मन्तव्यबाट सुरु भएको कार्यक्रमको सन्चालन साहित्य जागरण केन्द्रका सहसचिव कृष्णप्रसाद ज्ञवालीले गर्नुभएको थियो।
