कालीदास आत्रेय
गुल्मी ,भदौ २२ –
हामी सबैको प्रण ,सार्वजनिक शिक्षा प्रणलीको सबलीकरण भन्ने मुल नाराको साथ ४० औ शिक्षा दिवस तथा अन्तराष्ट्रिय साक्षरता दिवस गुल्मीको छत्रकोट गाउपालीका वडा नम्बर ६ को दौघाहरि प्राथमिक बिद्यालय मोहरेमा बिभिन्न कार्यक्रम गरि मनाइएको छ ।
बिद्यालयका प्रधानाध्यपक कालीदास आत्रेयको अध्यक्षतामा सम्पन्न कार्यक्रममा कक्षा नर्सरीको बेलुन फोर प्रतियोगिता,कक्षा केजिको चक्लेटदौड प्रतियोगिता, र कक्षा १ देखि ५ सम्मका बिद्यार्थिहरुको बिचमा अन्तरसदनात्मक हाजिरि जवाफ प्रतियोगिता लयागतका कार्यक्रमहरु सम्पन्न भएका छन ।जसमा बेलुन फोर तर्फ करिसा घर्ति प्रथम,निसब सोमरे द्धितिय , अन्जली नेपाली तृतिय भएका छन । चक्लेट दौड तर्फ प्रथम लक्ष्मी सुनार, द्धितिय सीम्रन रेस्मी र तृतिय सन्तोषि नेपाली भएका छन ।
यस्तै हाजिरिजवाफमा अरनिको सदन प्रथम, सिता सदन द्धितिय र बुद्ध सदन तृतिय भएका छन ।हाजिरि जवाफ प्रतियोगिताको सन्चालन शिक्षक रामनाथ ज्ञवाली र नम्बर स्कोरिङ शिक्षक कान्ता भट्राई ज्ञवालीले गर्नुभएको थियो । कार्यक्रमको सन्चालन शिक्षक शंकर प्रसाद अर्यालले गर्नुभएको थियो ।
यसैबिच ४० औ शिक्षा दिवस तथा अन्तराष्ट्रिय साक्षरता दिवसको अबसरमा छत्रकोट गाउपालीका वडा नम्बर ६ दौघाको नेपाल राष्ट्रिय माध्यमिक बिद्यालय मा प्रभातफेरि र अन्तरसदनात्मक हाजिरि जवाफ प्रतियोगिता सम्पन्न भएको छ ।जसमा सत्यवति सदन प्रथम ,रुरु सदन द्धितिय र रेसुङगाा सदन तृतिय भएका छन । बिद्यालयका प्रधानाध्यपक लक्ष्मण ज्ञवालीको अध्यक्षतामा सम्पन्न हाजिरि जवाफ प्रतियोगिताको सन्चालन शिक्षक माधव प्रसाद घिमिरे र नम्बर स्कोरिङ शिक्षक भरत थापा मगरले गर्नुभएको थियो ।
