पाल्पा
असोज ९ –
चाडपर्व नजिकिएसगै पाल्पाको रिब्दीकोट गाउँपालिकाले अनुगमनलाइ तिब्रता दिएको छ ।
पहिलो दिन बुधबार हार्थोक बजार क्षेत्रका फलफूल, होटल, किराना पसल, औषधि पसल लगायत
३२ वटा पसल अनुगमन गरिएको छ ।
अनुगमनको क्रममा मुख्य गरि मूल्य शुचि नराखेको, ब्यवसाय दर्ता नगरी सन्चालन गरेको, उबल बिल प्रयोग नगरेको, साइन बोर्ड नराखेको, मासु पसलहरु बिना दर्ता नै सन्चालन गरेको पाइएको छ ।
उक्त कमजोरीहरु तीन दिन भित्र समाधान गरिसक्न निर्देशन दिइएको छ ।
नागरिकको खाद्य अधिकारलाइ सुनिश्चित गर्न तथा अखाद्य बस्तुको बिक्री बितरण रोक्न गाउपालिकाले अनुगमनलाइ तिब्रता दिएको हो
खास गरि चाड पर्वका बेला हुन सक्ने कालो बजारी रोक्न अनुगमन गरिएको गाउपालीकाले जनाएको छ ।
गाउँपालिकाको प्रमूख प्रशासकीय अधिकृतको नेतृत्वमा स्थानीय प्रशासन ,गुण नियन्त्रण कार्यालय ,प्रहरी,उद्योग बाणिज्य संघको प्रतिनिधि लगाएतको सहभागितामा बजार अनुगमन गरिएको हो ।
