गुल्मी ,असोज १३
मनोज कार्की, सुमन महोत्रा –
यहि भाद्र २६ गते देखि रुरु धाम रिडिमा सुरु भएको रुरु धार्मिक तथा एेतिहासिक महायज्ञमा
विभिन्न जिल्लाबाट आउने भक्तजनको आकर्षण बढेको पाइएको छ ।
नेपालकै चार धाम मध्येकै एक धाम हो रिडि, जुन तीन जिल्लाको संगम स्थल मा पर्दछ ।
नेपालका चार धाम मध्ये रुरु धाममा बिकासले गति लिन नसकेको र यस धामको बिकासमा तीब्रता दिनुका साथै यस क्षेत्रको चौतर्फी बिकासको निमित्त रुरु धाममा २१ दिने महायज्ञको आयोजना गरिएको मुल आयोजक समारोह समितीले बताएको छ ।
बिशेष गरि रिडि तिन जिल्लाकै संगम स्थल भएकै कारण पाल्पा गुल्मी र स्याङ्जा बाट श्रदालुको आकर्षण बढदो पाइएको छ ।
यो समय बर्ष यामको भएको कारण केही जिल्ला बाट भक्तजन महायज्ञमा उपस्थित हुन नसकेको आयोजकले जनाएको छ ।
अहिले सम्म नेपालका करिब ५० जिल्लाका लाखौं भक्तजनले महायज्ञको अवलोकन गरिसकेको र अझै धेरै जिल्लाबाट भक्तजन आउने जानकारी आएको प्रमुख वाचक बालयोग्यस्वर महाराजले जानकारी दिएका छन् ।
