गुल्मी
असोज १७ – खज्र्याङ रुपन्देहि सम्पर्क मन्चको आयोजनामा छत्रकोट गाउपालीका वडा नम्बर ५ खज्र्याङ गुल्मीमा साविकको वडा स्तरिय भलिवल प्रतियोगिता सुरु भएको छ ।
बिजया दशमी तथा शुभ दिपावलीको अवसरमा प्रतियोगिताको आयोजना गरिएको हो । प्रतियोगिताको उद्धघाटन गाउपालीका अध्यक्ष मधुकृष्ण पन्थले गर्नुभएको थियो ।उद्धघाटन समारोहको अध्यक्षता मन्चका अध्यक्ष राजिव कुवरले गर्नुभएको थियो ।
समारोहमा वडा नम्बर १ का अध्यक्ष धातानन्द भण्डारी, वडा नम्बर ३ का अध्यक्ष तेजकान्त अर्याल ,वडा नम्बर ५ का अध्यक्ष कृष्ण पन्त ,नेपाली काङगे्रशका जिल्ला सदस्य अनन्त पौड्याल ,नेकपा छत्रकोटका अध्यक्ष राम प्रसाद पाण्डेय , वडाका अध्यक्ष सरोज पाण्डेय ,आत्मबोध माविका अध्यक्ष गोविन्द पाण्डेय ,प्रधानाध्यपक बिष्णु ज्ञवाली लगायतको सहभागिता रहेको थियो ।
१० टिमको सहभागिता रहेको कार्यक्रमको सन्चालन हरि प्रसाद न्याउपानेले गर्नुभएको थियो । प्रतियोगिताको फाइनल खेल भोलि हुनेछ । प्रतियोगितामा प्रथम हुनेले १५ हजार, दोस्रो हुनेले १० हजार र तेसा्रे हुनेले ५ हजार रुपैया पुरस्कार पाउनेछन ।
