माधब बेबासे
मंसिर ८
अड्गुरी अर्घाखाँची
पाणिनी गाउँपालिका वडा न ७ अड्गुरीमा रहेको अड्गुरी स्वास्थ चौकिको नवनिर्मित भवन
आज एक भब्री कार्यक्रम गरि हस्तान्तरण तथा उद्घाटन भएको छ ।
५ नम्बर प्रदेशका सामाजिक बिकास मन्त्री सुदर्शन बरालको प्रमुख आतिथ्यमा सम्पन्न कार्यक्रममा वडाबासिहरु विभिन्न राजनैतिक दलका प्रतिनिधि जनप्रतिनिधि स्वयंसेबिका लगायत स्थानीय संघ सस्थाका प्रमुख तथा प्रतिनिधिहरुको उल्लेख्य उपस्थित रहेको थियो। कार्यक्रमको उद्घाटन गर्दै प्रमुख अतिथी बरालले मुलुकमा राजनैतिक स्थिरता भएको भन्दै सङ्घियताले नै जनताको मुख्य माग सम्बोधन गर्न सक्ने भएकै कारण यस्को सस्थागत गर्न लागिपर्ने बताउनुभयो । कम्तिमा एक प्रदेश एक प्राबिधिक शिक्षालयको अवधारणा कार्यन्वयन हुँदै गर्दा स्वास्थ्य सेवाका लागि पायक पर्ने स्थानमा एक स्थानीय तह एक अस्पताल आवश्यकता महसुस गरि सो अनुसार कामको थालनी भएको भन्दै बर्थिङ्ग सेन्टर उपकरण , र आवश्यक औषधि हरु उपलब्ध गराउन लागिपरेको उल्लेख गर्नुभएको छ। यस्तै कार्यक्रममा बोल्दै प्रदेस सभा सदस्य राम्जी घिमिरेले स्वास्थ्य भन्दा ठूलो धन भएको भन्दै नवनिर्मित भवनको ब्यवस्थित उपयोगको कामना गर्नुभएको थियो । कार्यक्रममा पाणिनी गाउँपालिका अध्यक्ष अच्युत गौतमले पाणिनी गाउपलिकाले यश बर्ष स्वास्थ्यमा गरेको लगानी फलदायी बनाउने गरि २ वटा एम्बुलेन्स खरिद गरिने योजना रहेको बताउनु भएको थियो ।उपाध्यक्ष लक्ष्मी गौतम वडा न । ५ का अध्यक्ष जिबलाल घिमिरे,पाणिनी गाउँपालिका स्वास्थ शाखाका सम्योजक शेशकान्त घिमिरे , धातिवाङ्ग स्वास्थ चौकिका प्रमुख मित्रदेव पौडेल पत्रकार माधव बेल्वासे लगायतले शुभकामना मन्तब्य राखेका थिए । कार्यक्रममा बोल्ने स्थानीय बक्तहरुले भवन मात्र नभै उपकरण र दक्ष जनशक्तिको आवस्यकता रहेको बताएका थिए । जम्मा २ करोड १२ लाख लागतमा सङ्घिय कार्यान्वयन इकाइ रुपन्देहीमार्फत अर्घाखाँची इन्जिनियर्स एन्ड बिल्डर्स प्रा ।लि।ले ठेक्का लिइ भवन निर्माण गरेको स्वास्थ चौकी इन्चार्ज पुनाराम भुसालले जानाकारी दिनुभएको थियो। कार्यक्रम वडा न। ७ का वडाध्यक्ष तथा स्वास्थय चौकी ब्यवस्थापन समितीका अध्यक्ष गुनाखर अधिकारीको सभापतित्व र तुल्सिराम पौडेलको संचालनमा सम्पन्न भएको थियो ।