पाल्पा,
फागुन २३- पाल्पामा टिप्परको ठक्करबाट एक जनाको ज्यान गएको छ भने अर्का एक जना गम्भीर घाइते भएका छन् ।
शुक्रबार दिउसो तानसेन ७, लामीडाँडामा टिप्परले मोटरसाइकललाई ठक्कर दिँदा मोटरसाइकलको पछाडि बसेकी तानसेन ७ की ५५ वर्षीया मधु श्रेष्ठको ज्यान गएको हो ।जिल्ला प्रहरी कार्यालय पाल्पाका अनुसार तानसेनबाट बुटवल जाँदै गरेको लु ७ प ४३४ नम्बरको मोटरसाइकललाई त्यसै दिशातर्फ जाँदै गरेको लु २ ख ३१७८ नम्बरको टिप्परले ठक्कर दिएको हो ।मोटरसाइकल चालक मधुका श्रीमान ६२ वर्षीय हिमालप्रसाद श्रेष्ठ गम्भीर घाइते हुनुभएको छ । उहाँको लुम्बिनी मेडिकल कलेज, प्रभासमा उपचार भैरहेको छ । ठक्कर दिने टिप्पर र चालकलाई नियन्त्रणमा लिएर घटनाको बारेमा अनुसन्धान भइरहेको प्रहरीले जनाएको छ ।
